عمران خان هیندیستانین جامو کشمیر سیاستینه رئاکسیا گؤستردی
پاکیستانین باش ناظیری عمران خان تویتر حسابیندان هیندیستانین سون هفتهلرده جامو کشمیر بؤلگهسینه قارشی تطبیق ائتدیگی محدودیتلره رئاکسیا وئردی.
پاکیستانین باش ناظیری عمران خان تویتر حسابیندان هیندیستانین سون هفتهلرده جامو کشمیر بؤلگهسینه قارشی تطبیق ائتدیگی محدودیتلره رئاکسیا وئردی.
خان بؤلگهدکی وضعیتین پیسلشه بیله جگینی بیلدیرهرک:"دونیا هیندیستانین ایشغالی آلتیندا اولان کشمیرده سربرنیتسایا بنزر بیر قیرغین و مسلمانلارین ائتنیک تمیزلنمهسینه شاهید اولاجاق می؟ " ایفادهسینی ایشلتدی.
پاکیستانین باش ناظیری جامو کشمیردکی مسلمانلارا قارشی تطبیق ائدیلن محدودیتلری و حال-حاضردا ایشغال آلتینداکی بؤلگهدکی علاوه حربچیلرین اولماسینی داها اول قوژارات شتاتیندا مسلمانلارا قارشی اولان ائتنیک تمیزلمهنین بیر نومونهسی اولاراق قیمتلندیردی.
خان اؤتن گون آزاد کشمیرین پایتاختی مظفرآباد-داکی دؤولت قانون وئریجیلیک مجلسی ینده کی چیخیشی زامانی هیندیستانین باش ناظیری نارندرا مودینین جامو کشمیری اولوسلار آراسی پروبلئمه چئویرهرک ایستراتژی بیر سهو ائتدیگینی، بو سهوین هم اونون اؤزونه، هم ده خالق پارتیسی (BJP) حکومتینه باها باشا گله جگینی بیلدیردی.
پاکیستانین خاریجی ایشلر ناظیرلیگینین آوقوستون 12-ده یایدیغی آچیقلامادا هیندیستانین قوربان بایرامی زامانی جامو کشمیرده مسلمانلارین دینی آزادلیغینا موداخیلهسینین اینسان حاقلارینا و بشری حقوقا ضد اولدوغو بیلدیریلیب.
جامو کشمیرده کوچه لره چیخما قاداغاسینین اولدوغونو، اینترنتین و بوتون رابطه ایمکانلارینین کسیلدیگینین قئید ائدیلدیگی آچیقلامادا:"پاکیستان هیندیستانین ایشغال ائدیلمیش جامو کشمیرده میلیونلارلا کشمیرلینین وحشیجهسینه تجرید ائدیلمهسینی و نتیجهده قوربان بایرامی کیمی اهمیتلی بیر بایرامدا دینی آزادلیقلارینین محدودلاشدیریلماسینی قیناییر" ایفادهسی ایشلدیلیب.