روسیا اولوسلار آراسی آتوم انرژی‌سی قورومون‌دان معلومات گؤزلییر
روسیا اولوسلار آراسی آتوم انرژی‌سی قورومون‌دان (UAEK) ایرانین اورانیوم زنگینلشدیرمه نیسبتی ایله باغلی رسمی معلومات گؤزلییر.
روسیا اولوسلار آراسی آتوم انرژی‌سی قورومون‌دان (UAEK) ایرانین اورانیوم زنگینلشدیرمه نیسبتی ایله باغلی رسمی معلومات گؤزلییر.
روسیا خاریجی ایشلر ناظیرلیگی مسئله ایله علاقه‌دار یازیلی آچیقلاما یایدی.
آچیقلامادا ایران رسمی‌لری طرفیندن نوکلئر موقاویله‌سیندکی عهده لیکلریندن ایره‌لی گلن اورانیوم زنگینلشدیرمه نیسبتی و میقدارینا رعایت ائتمه‌یه‌جک‌لری باره‌ده خبردارلیق‌لاری دیرلندیریلدی.
اولوسلار آراسی آتوم انرژی‌سی قورومون‌دان بونونلا باغلی وئریله‌جک اعتبارلی بیلگی‌نین اساس گؤتورولجیینه ایشاره ائدیلن آچیقلامادا: "ایرانین "نطنز" نوکلئر تاسیس لرینده زنگینلشدیریلمیش اورانیوم نیسبتی و میقداری‌نین نوکلئر موقاویله‌سینده گؤستریلن حدین اوستونه چیخماسی ایله باغلی رسمی معلوماتی اولوسلار آراسی آتوم انرژی‌سی قورومون‌دان گؤزلییریک. نوکلئر موقاویله‌سی‌نین بوتون طرف‌لرین عهده لیک لرینی یئرینه یئتیرمه‌سی ایله داوام ائتدیریله بیلجیینه امینیک" دئییلدی.
قئید ائدک کی، ایران خاریجی ایشلر ناظیری‌نین معاوینی عباس عراقچی اؤلکه‌سی‌نین نوکلئر موقاویله‌سی ایله باغلی گؤزلنتی‌لری‌نین یئرینه یئتیریلمه‌مه‌سی سببیندن موقاویله چرچیوه‌سیندکی عهده لیکلریندن بعضی‌لرینه رعایت ائتمه‌مکله باغلی 60 گونو احاته ائدن "ایکینجی آددیم" فعالیت‌لرینه باشلادیق‌لارینی آچیقلامیشدی.
عراقچی: "ایکینجی آددیم"دا موقاویله‌ده گؤستریلن زنگینلشدیرمه نیسبتی و میقدارینا رعایت ائتمه‌یه‌جگیمیزی اعلان ائدیریک" دئمیشدی.
ایران پرزیدنتی حسن روحانی امریکانین تحریم لرینه جاواب اولاراق 8 می تاریخینده اؤلکه‌سی‌نین نوکلئر موقاویله‌سینه عایید عهده لیکلرینی آزالتدیغینی و موقاویله‌نین طرف‌لرینه ایرانین ماراق‌لارینی قورویا‌جاق تدبیرلر گؤرمه‌لری اوچون 60 گون مهلت وئردیک‌لرینی بیلدیرمیشدی.
