آلمانین خاریجی ایشلر ناظیری اردن-دا سفرده دیر

آلمانیانین خاریجی ایشلر ناظیری هایکو ماس بمت-نین فیلیسطین‌لی قاچقین‌لارا یاردیم آژانسینا   (UNRWA) دستکینی داوام ائتدیرجگینی بیلدیریب.

ماس اردن-ون پایتاختی امانا سفری چرچیوه‌سینده بو اؤلکه‌نین خاریجی ایشلر ناظیری ایمن صفدی ایله گؤروشوندن سونرا بیرگه مطبوعات کنفرانسی تشکیل ائدیب.

گؤروشده اورتا دوغوداکی مؤجود وضعیت و گرگین‌لیک‌لری موذاکیره ائتدیک‌لرینی بیلدیرن ماس دئییب کی، گؤروشده همچنین بؤلگه‌ده بالانس‌لی رولا صاحب اردن-ون فیکیرلری گوندمده اولدو.

آلمان ناظیر آیریجا، UNRWA-یا دستک وئریلمه‌سی‌نین اهمیتینه دقت چکه‌رک، اؤلکه‌سی‌نین بو ایستیقامت‌دکی آددیم‌لاری‌نین داوام ائدجگینی قئید ائدیب.

ماس گؤروشده فیلیسطین-ایسرایل قارشیدورماسینی دا موذاکیره ائتدیک‌لرینی بیل‌دیره‌رک "بو موضوع دا همفیکیریک. اردن-ون موضوع ایله باغلی دغرلندیرمه‌سینه اعتیماد ائدیریک و ایکی دؤولت‌لی حل، یئگانه حل یولودور" دئییب.

اردن-ون خاریجی ایشلر ناظیری ایمن صفدی ده ایکی اؤلکه آراسینداکی امکداشلیغین گون‌دن-گونه گوجلندیگینی و بؤلگه‌دکی پروبلئم‌لرین حلینده بیرگه فعالیت‌لرین داوام ائتدیگینی وورغولاییب.

فیلیسطین مسئله‌سی‌نین گؤروشون ایلک یئردکی موضوع لاریندان  بیری اولدوغونو قئید ائدن ناظیر "اردن و آلمانیا اولا‌راق ایکی دؤولت‌لی حلین، ضدیته سون قویماغین یولو اولدوغو باره‌ده همفیکیریک" دئیه بیلدیریب.

صفدی اؤلکه‌سی‌نین دایمی و احاته‌لی باریش ایسته‌دیگینی، بوندا اوغورلو اولماق اوچون ایشغالین باشا چاتماسی‌نین واجیب‌لیگینی سؤیله‌ییب.

اردن و آلمانیانینUNRWA -نین دستکلنمه‌سی و وظیفه‌سینی داوام ائتدیرمه‌سی باره‌ده همفیکیر اولدوغونو بیلدیرن صفدی ایکی اؤلکه‌نین آیریجا، سوریه بحرانینا حل یولو تاپماق اوچون جهدلرین آرتیریلماسی‌نین واجیب‌لیگی باره‌ده ده همفیکیر اولدوغونو دئییب.

قئید ائدک کی، آلمانیا خاریجی ایشلر ناظیرلیگی‌نین ژوئن ین 6-دا یایدیغی آچیقلاماسیندا ناظیر ماسین بیرلشمیش عرب امیرلیک‌لری، عراق و اردن-ون یئر آلدیغی بؤلگه تورو چرچیوه‌سینده صاباح ایران‌لی همکاری محمد جاواب ظریف ایله ایرانین پایتاختی تهراندا بیر آرایا گلجیی بیلدیریلمیشدی.