عراق، اس ۴۰۰ آلماق ایسته‌ییر
"عراق، اس ۴۰۰ آلابیله‌جک پتانسیل اؤلکه‌لر آراسیندا"
عراقین موسکواداکی ائلچیسی حیدر منصور هادی، عراق حکومتینین روسیادان اس-۴۰۰ هاوا ساوونما سیستملرینی آلماغا قرار وئردیگینی بیلدیردی.
هادی، روسیانین باشکندی موسکوادا تشکیل ائتدیگی مطبوعات کنفرانسین‌دا، روس شیرکتلرینین عراق‌داکی سرمایه‌لرینی آرتیرمالارینی آرزو ائتدیکلرینی سؤیله‌دی.
روسیا شیرکتلری ایله اؤزللیکله نفت و طبیعی گاز سئکتورونده اوغورلو امکداش‌لیق یئریدیلدیگینی بیلدیرن هادی:
"عراقدا لوکویل، باش‌نفت، روس‌نفت و گازپرومون یاتیریملاری وار. لوکویلون عراقدا یاتیریملاری دوققوز میلیون دلاردان چوخدور. بونون 30 میلیون دلارا قدر چیخماسی اوچون بیر ایستک وار" دئدی.
عراق و روسیا آراسیندا ائدیلن اس-۴۰۰ آلیمینا دایر دانیشیقلارا دا توخونان هادی،
"عراق حکومتی قرارینی وئردی، اس-۴۰۰ ساتین آلماق ایسته‌ییرلر، آنجاق هله‌لیک بیر یول خریطه‌سی یوخدور" دئیه دانیشدی.
آمریکانین عراقین اس-۴۰۰ آلیمینی انگلله‌مه‌سینین ممکن اولوب اولمادیغنا دایر بیر سورو اوزرینه،
"بو قونودا لازیم اولان دیپلوماتیک کاناللار مؤوجود" ایفاده سینی ایشلتدی.
روسیا فدراسیونو شوراسی ساوونما و گوونلیک کمیته‌سی باشقانی ویکتور بوندارئو، بیر سۆره اؤنجه، عراقین اس-۴۰۰ آلابیله‌جک پتانسیل اؤلکه‌لر آراسیندا اولدوغونو سؤیله‌میشدی.
