ایران اورانیوم غنیلشدیرمه‌یه داوام ائده‌جک
ایران مجلیس باشقانی علی لاریجانی، نوکلئر آنلاشما چرچیوه‌سینده اورانیوم غنیلشدیرمه‌یه و آغیر سو اوره‌تیمینه داوام ائده‌جک‌لرینی بیلدیریب
ایران مجلیس باشقانی علی لاریجانی، نوکلئر آنلاشما چرچیوه‌سینده اورانیوم غنیلشدیرمه‌یه و آغیر سو اوره‌تیمینه داوام ائده‌جک‌لرینی بیلدیریب.
ایران دولت تلویزیونونا گؤره، باشکند تهران‌دا معلم‌لرله بیر آرایا گلن لاریجانی، بورادا ائتدیگی چیخیشیندا، آمریکانین ایرانین دینج نوکلئر فعالیت‌لرینی هدفه آلان تحریم‌لرینه اعتراض گؤستردی.
آمریکانین ایرانا قارشی آلدیغی قرارلاری "پسکولوژیک عملیاتین بیر نوعو" کیمی قیمتلن‌دیرن لاریجانی،
ایران نوکلئر آنلاشما چرچیوه‌سینده آغیر سو اوره‌ته‌بیلر. بیز آنلاشمانی پوزمامیشیق. آنلاشما چرچیوه‌سینده اورانیوم غنیلشدیرمه‌یه ده داوام ائدجگیک. سیز ایستر آلین ایستییر آلماغین." ایفاده‌لرینی ایستیفاده ائتدی.
لاریجانی، آمریکانین ایران علیهینه یؤنلمیش تلاشینا قارشی اؤلکه‌دکی بوتون قروپ‌لارین فرق‌لرینی بیر کنارا قویا‌راق بیرلیک اولماسی لازیم اولدوغونو وورغولاییب.
آمریکا خاریجی ایشلر ناظیرلیگین‌دن دونن کئچیریلن یازی‌لی آچیقلامادا، طبیعی اورانیوم قارشیلیغیندا غنیلشدیریلمیش اورانیومون ایران خاریجینه چیخاریلماسینا یؤنه‌لیک فعالیت‌لرین ده بون‌دان سونرا آمریکا تحریم‌لری‌نین دایره‌سینه داخیل اولاجاغی بیلدیریلمیشدی.
آچیقلامادا آیریجا، ایرانین موجود سرحدلرین خاریجینده اوره‌تدیگی آغیر سو رزرولرینه ده ایجازه وئریلمه‌یه‌جک و ایرانا آغیر سو تامین ائدیلممه‌سی لازیم اولدوغو ایفاده ائدیلمیشدی.
بیرلشمیش میللت‌لر امنیت شوراسی‌نین 5 دایمی عضوو و آلمانیا ایله ایران آراسیندا 2015ده ایمضا‌لانان گئنیش بیرگه فعالیت پلانی (KOEP)) آدلان‌دیریلان نوکلئر آنلاشما، تهرانا یوزده 3.67 اورانیوم غنیلشدیرمه فعالیتینی داوام ائتدیرمک حقوقو وئریر.
سازیش چرچیوه‌سینده ایران، ان چوخ 300 کیلوقرام اورانیومی الینده توتابلر.
آنلاشما ایرانا 300 کیلوقرامین اوزرین‌دکی اورانیومی اولوسلار آراسی بازاردا ساتا‌راق اوزینده طبیعی اورانیوم آلابیلمه ایمکانی تانیییر.
ایران آیریجا آنلاشما‌یا گؤره، آغیر سو رزروینی 130 تونون آلتیندا توتماق مجبوریتینده و بونون اوستونده اولدوغو حالیندا اؤلکه خاریجینه چیخارماقلا بورج‌لو اولور.
آمریکا رهبرلیگی، نوکلئر آنلاشما‌دن می 2018ده تک طرف‌لی چکیله‌رک ایرانا قارشی تحریم‌لری گئری گتیرمیشدی.
