زنگنه: ایرانین نفت ایخراجینی صیفیرا ائندیرمه خیا‌لی بیر یوخودور
ایران نفت ناظیری بیژن نامدار زنگنه، آمریکانین، اولکه‌سینین پترول ایخراجینی صیفیرا ائندیرمه خیا‌لی‌نین رئاللاشمایا‌جاق بیر خیال اولدوغونو دئدی
ایران نفت ناظیری بیژن نامدار زنگنه، آمریکانین، اولکه‌سینین پترول ایخراجینی صیفیرا ائندیرمه خیا‌لی‌نین رئاللاشمایا‌جاق بیر خیال اولدوغونو دئدی.
ایران میللت وکیل‌لری‌نین سوال‌لارینی جوابلان‌دیرماق اوچون مجلیس عمومی قورولونا گئدن زنگنه، آمریکانین معافیت‌لری سونا چاتدیرماسی قیمتلن‌دیریردی.
بازارداکی نفت تأمیناتی و طلبی‌نین کؤو‌رک بیر وضعیتده اولدوغونو، آمریکا ایله بؤلگه‌دکی موتتفیق‌لری طرفین‌دن ائدیلن آچیقلاما‌لارین، بازارین تأثیرین‌دن دویدوق‌لاری ناراحات‌لیغی اورتایا قویدوغونو بیل‌دیرن زنگنه،
نفت صنایعسی، آمریکانین ایقتیصاد ساواشیندا هدف‌لرین ان باشیندا یئر آلیر. آنجاق ایرانین نفت ایخراجینی صیفیرا ائندیرمه خیا‌لی هئچ واخت رئاللاشمایا‌جاق بیر یوخودور." دئدی.
نفت بازاری‌نین تخمین ائدیلنلره اویغون اولمادیغینی و احتیاج دویولدوغو قدر نفتین حاصیل ائدیل‌جگینه دایر تأمینات وئرمدیگینی دیله گتیرن زنگنه، بعضی منطقه اؤلکه‌لری‌نین اوره‌تیم گوجلرینی حقیقی میقدارین اوستونده آچیقلادیغینا ایشاره ائده‌رک،
آمریکا و اونون بؤلگه‌دکی موتتفیق‌لری، نفت‌دن سیاسی سیلاح کیمی ایستیفاده ائدیر آنجاق آلینان بو قرارین توستو اؤز گؤزلرینی یان‌دیرا‌جاق." دئیه دانیشدی.
زنگنه طبیعی گاز اوره‌تیمی ایله باغلی ده انرژی سانترا‌للاری و پتروشیمی موسسیسه‌لری‌نین هر هانسی بیر محدودیت اولما‌دان فعالیت‌لره داوام ائتدیگینی بیلدیریب.
ایران، آمریکا و روسیا‌دان سونرا دونیانین 3ونجو طبیعی گاز اوره‌تیچی‌سی‌دیر" دئین زنگنه، بئله داوام ائتدی:
تورکیه ایله آپاریلان گاز آنلاشما‌سی بوتون یؤنلری ایله ایجرا اولونور. عراق ایله ده 60 میلیون متر مکعب طبیعی گاز ایخراجی اوچون ایکی آنلاشما ایمضالاندی. ارمنیستان و آذربایجان ایله باغلانمیش آنلاشمالار دا حیاتا کئچیرمه‌یه قویولوب، آنجاق پاکیستان، آمریکا و بعضی منطقه اؤلکه‌لری‌نین باسقیسی سببی ایله آنلاشمانی حیاتا کئچیرمیر".
زنگنه، عمان ایله ده گاز آنلاشماسی‌نین گوندمده اولدوغونو ایفاده ائده‌رک، بورو کمرلرینی دونیادا 2 شیرکتین چکدیگینی و تحریم‌لر سببیله ده بونون هله‌لیک رئاللاشماسی‌نین مومکون اولمادیغینی بیلدیردی.
آغ ائو، داها اوّل ایران نفت تحریملریندن معاف توتولان 8 اؤلکه‌یه یئنی معافیت حقوقو وئریلمیه‌جگینی آچیقلامیشدی.
بو قرارلا "آمریکانین ایران‌دان نفت ایدخالینا تحریم گتیرن قرارین‌دان 2 می‌یه قدر 180 گون‌لوگونه معاف توتولان" چین، هیندیستان، ژاپون، جنوبی کوره، تایوان، تورکیه، ایتالیا و یونانیستانین معافیت‌لری باشا چاتا‌جاق.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
