ایکینجی مرحلهده زلنسکی و پوروشنکو موباریزه آپاراجاقلار
اوکراینا مرکزی سئچکی کمیسیونو هفته سونو اؤلکهده کئچیریلن پرزیدنت سئچکیلرینده وئریلمیش سسلرین سایینین حسابلانماسی پروسه سینی باشا چاتدیردی.
اوکراینا مرکزی سئچکی کمیسیونو هفته سونو اؤلکهده کئچیریلن پرزیدنت سئچکیلرینده وئریلمیش سسلرین سایینین حسابلانماسی پروسه سینی باشا چاتدیردی.
پرزیدنت سئچکیلرینده کمدین ولادیمیر زلنسکی و حاضیرکی پرزیدنت پیتر پوروشنکو آوریلین 21-ده کئچیریلهجک ایکینجی مرحلهده موباریزه آپاراجاقلار.
خاریجی اؤلکهلرده یاشایان اوکراینا وطنداشلارینین وئردیکلری سسلرله بیرلیکده عمومی لیکده 63.53 % نیسبتینده آکتیولیک اولان سئچکیلرده بوتون سئچکی قوتولارینداکی سس کاغیذ لار حسابلاندی.
حسابلاما نتیجهسینده نامیزدلردن کمدین ولادیمیر زلنسکی 30.24% سسله بیرینجی، حاضیرکی پرزیدنت پیتر پوروشنکو 15.95% سسله ایکینجی اولدو.
سابیق باش ناظیر یولیا تیموشنکونون توپلادیغی سسلر 13.40%، روسیا طرفداری اولان یوری بویکویا وئریلن سسلر 11.67%، سابیق مودافعه ناظیری آناتولی گریتسنکویا وئریلن سسلر ایسه 6.91% اولدو.
سئچکیلرده هئچ بیر نامیزد 50%-دن چوخ سس توپلامادیغی اوچون ان چوخ سس توپلایان کمدین ولادیمیر زلنسکی و ایندیکی پرزیدنت پیتر پوروشنکو ایکینجی مرحلهده موباریزه آپاراجاقلار.
اوکراینا مرکزی سئچکی کمیسیونونون صدری تاتیانا سلیپاچوک دا اؤلکهده کئچیریلن پرزیدنت سئچکیلرینده هئچ بیر نامیزدین 50%-دن چوخ سس توپلامادیغینی و ولادیمیر زلنسکی ایله پیتر پوروشنکونون ایکینجی مرحلهده یاریشاجاقلارینی اعلان ائتمیشدی.