ویانا-دا آذربایجان پرزیدنتی ایله ارمنیستانین باش ناظیرینین گؤروشو کئچیریلیر
آذربایجان جمهوریتی‌نین پرزیدنتی ایلهام علی یئو مارسین 29-دا ویانادا ارمنیستان-آذربایجان موناقیشه‌سی‌نین حلینی موذاکیره ائتمک اوچون ارمنیستانین باش ناظیری نیکول پاشینیان ایله گؤروشور.
آذربایجان جمهوریتی‌نین پرزیدنتی ایلهام علی یئو مارسین 29-دا ویانادا ارمنیستان-آذربایجان موناقیشه‌سی‌نین حلینی موذاکیره ائتمک اوچون ارمنیستانین باش ناظیری نیکول پاشینیان ایله گؤروشور.
بو باره‌ده آذربایجان جمهور باشقانلیغی‌نین خاریجی سیاست مسئله‌لری شعبه‌سی‌نین مودیری حیکمت هاجییئو اؤز تویتر صحیفه‌سینده معلومات وئریب.
معلوماتدا بیلدیریلیر کی، آذربایجان موناقیشه‌نین بمت تهلوکه‌سیزلیک شوراسی‌نین قطعنامه لری، هلسینکی یئکون آکتینا و اولوسلار آراسی حقوقون پرینسیپ‌لرینه اویغون شکیلده موجود فورمات اساسیندا حلینی دستکلییر.
پرزیدنت ایلهام علی یئو مارسین 28-ده ویانایا سفری زامانی اطریش جمهوریتی‌نین باش ناظیرینین معاونی هاینتس-کریستیان ایله ده گؤروشوب.
اطریش باش ناظیرینین معاونی ایله باکیدا کئچیردیگی گؤروشو ممنونیتله خاطیرلا‌دان دؤولت باشچی‌سی همین گؤروشده ایکی طرف‌لی امکداشلیغا دایر گئنیش فیکیر موبادیله‌سی آپاریلدیغینی دئدی. آذربایجان- اطریش موناسیبت‌لری‌نین، او جمله‌دن سیاسی و ایقتیصادی علاقه‌لرین اوغورلا اینکیشاف ائتدیگینی بیل‌دیرن پرزیدنت ایلهام علی یئو بو اؤلکه‌یه سفری‌نین، همچنین اطریش باش ناظیرینین معاونی ایله گؤروشونون امکداشلیغین گئنیش لندیریلمه‌سی باخیمین‌دان خصوصی اهمیت داشیدیغینی وورغولادی.
هاینتس-کریستیان آذربایجانا سفری چرچیوه‌سینده پرزیدنت ایلهام علی یئو ایله گؤروشونون و آپاردیغی ثمره‌لی موذاکیره‌لرین ایکی اؤلکه آراسیندا علاقه‌لرین اینکیشافینا تکان وئردیگینی ایفاده ائتدی.
صحبت زامانی آذربایجان ایله اطریش آراسیندا ایقتیصادی-تیجارت موناسیبت‌لری‌نین گئنیشلندیریلمه‌سی مقصدیله امکداش‌لیق فورمات‌لاری‌نین یارادیلماسی تشببوس‌لرینه توخونولدو، بو چرچیوه‌ده ایکی اؤلکه‌نین دؤولت قوروم‌لاری و ایش گوزار دایره‌لری آراسیندا علاقه‌لرین گئنیشلندیریلمه‌سی‌نین اؤنمی وورغولاندی.
گؤروشده قارشی‌لیق‌لی ماراق دوغوران مسئله‌لره دایر فیکیر موبادیله‌سی آپاریلدی.
