ایسرایل غزه-یه آچیلان سرحد منطقهلرینی باغلادی
ایسرایل ایشغال آلتینداکی غزه زولاغیندان آتیلدیغی بیلدیریلن بیر راکتین تل آویو-ین قوزیی طرفیندکی بیر ائوه دوشمهسیندن سونرا ایسرایل-دن غزه-یه آچیلان کرم ابو سلیم و بیت خانون (ارئز) سرحد منطقهلرینی باغلاییب.
ایسرایل ایشغال آلتینداکی غزه زولاغیندان آتیلدیغی بیلدیریلن بیر راکتین تل آویو-ین قوزیی طرفیندکی بیر ائوه دوشمهسیندن سونرا ایسرایل-دن غزه-یه آچیلان کرم ابو سلیم و بیت خانون (ارئز) سرحد منطقهلرینی باغلاییب.
ایسرایل اردوسوندان یاییلان آچیقلامادا غزه-ده تیجارت ماللارین گیریشینین تامین اولوندوغو تک نقطه اولان کرم ابو سلیم ایله یولجو ترانزیتی اوچون ایستیفاده ائدیلن بیت خانون سرحد قاپیلارینین یئنی بیر قرار قبول ائدیلهنهدهک باغلی اولاجاغی بیلدیریلیب.
آچیقلامادا آیریجا، غزه بالیقچیلاری اوچون 9 دنیز میلی اولان اوولانما سرحدینین آزالدیلدیغی، لاکین سرحدین نئچه کیلومتر اولدوغونا دایر معلومات وئریلمهییب.
غزه-دن آتیلان راکتین تل آویوین قوزیی ینده کی شارون شهرینه دوشمهسیندن سونرا سرحد قاپیلارینین باغلانما قراری وئریلدی.
غزه-دن آتیلدیغی سؤیلهنن راکت بو گون سحر شارون بؤلگهسیندکی بیر ائوه دوشموش، ائوده اولان یئددی نفر یارالانمیشدی.
تخمینن 2 میلیون فیلیسطینلینین یاشادیغی بلوکاداکی غزه زولاغیندا 7 سرحد کئچیدینین 6-سی ایسرایل-ین، بیری میصرینده نظارتیندهدیر.
تل آویو رهبرلیگی اردو قوهلرینین گیریش-چیخیش اوچون ایستیفاده ائتدیگی کاراره سرحد کئچید منطقهسینی 2005-جی ایلده، قالان اوچونو ایسه 2007-جی ایلده باغلادی. ایسرایل سون ایللرده تیجارت ماللارینین کئچیدی اوچون کرم ابو سلیم و یولجو کئچیدی اوچون بیت خانون سرحد قاپیلارینین ایستیفادهسینه ایجازه وئریر.