ایراندا گمی باتدی

ایرانین گۆنئیین‌ده‌کی هرمزگان ایالتین‌ده‌کی بیر لیمان‌دا قمر آدالاری بایراق‌لی بیر یوک گمی‌سی تخلیه ایشی سیراسیندا یان یاتاراق باتدی.

ایران دؤولت تلویزیونونون خبرینه گؤره، هرمزگان ایالتین‌ده‌کی شهید رجائی لیمانین‌دا شیمیایی ماده داشییان ۱۵۳ کانتینر یوک‌لو ۹۰ متر اوزونلوغون‌داکی یوک گمی‌سی، کانتینرلر لیمانا ائندیریلدیگی سیرادا یان یاتدی.

کانتینرلر دنیزه دوشرکن قیسا سۆره‌لی یاشانان چاخناشما زامانی دنیزه آتیلان گمی چالیشانلاریندان بیر نفرین یارالاندیغی ایفاده ائدیلدی. گمینین بؤیوک بیر قیسمینین قیسا مدت‌ده باتدیغی بیلدیریلدی.

ایران دنیزچی‌لیک و لیمان ایشلتمه‌لری مودور یاردیمچیسی هادی حق‌شناس، "گمی پرسنلی ایله قالدیراج سوروملوسو آراسین‌داکی آنلاشمازلیق سببیله گمی یان یاتاراق باتدی. دنیزه دوشه‌ن کانتینرلرین چیخاریلماسی اوچون چالیشما باشلادیلدی" دئدی.

حق‌شناس، قمر آدالاری بایراق‌لی یوک گمی‌سینین ۱۴ نفرلیک چالیشانینین هامی‌سینین هیندیستان وطنداشی اولدوغونو بیلدیردی.