زنگنه: ساده‌جه تورکیه‌ آلیر

ایران نفت باخانی بیژن زنگنه، آمریکا بیرلشمیش ایالتلرینین اؤلکه‌سینه قارشی تحریملری تطبیق ائتمه‌سین‌دن سونرا آوروپا اؤلکه‌لری آراسیندا ساده‌جه تورکیه‌نین اونلاردان نفت آلدیغینی بیلدیردی.

ایران‌لی اؤیرنجیلر خبر آژانسینا (ایسنا) گؤره، زنگنه،

"تورکیه‌دن باشقا، آوروپادان هئچ بیر اؤلکه ایران‌دان نفت آلمیر. یونانیستان و ایتالیا، آمریکا تحریملرین‌دن معاف توتولموشدو آنجاق ایران‌دان نفت آلمیرلار. اونلارلا بو قونودا گؤروشمک ایسته‌سک ده بیزه جاواب وئرمیرلر" دئدی.

ایرانین عراقا آیدا ۲۰۰ میلیون دلار حجمین‌ده طبیعی گاز صادر ائتدیگینی دیله گتیره‌ن زنگنه، "ایرانین حاضردا عراق‌دان طبیعی گاز و الکتریک صادراتین‌دان ۲ میلیارد دلار آلاجاغی اولدوغونو" ایفاده ائتدی.