ژان ایو لو دریان اردن-ده سفرده دیر
فرانسانین خاریجی ایشلر ناظیری ژان ایو لودریان اردن-دا سوریه و فیلیسطین مسئلهسینی موذاکیره ائتدی.
فرانسانین خاریجی ایشلر ناظیری ژان ایو لودریان "عصرین موقاویلهسی"نین هله ماسایا گلمهدیگینی بیلدیرهرک دئییب کی، بیز ایکی دؤولتلی حلین قبول ائدیلمهسی اوچون جهد گؤستریریک.
فرانسانین خاریجی ایشلر ناظری ژان ایو لودریان اردونا رئاللاشدیردیغی سفری چرچیوهسینده امان-دا همکاری ایمن صفدی ایله تشکیل ائتدیگی بیرگه مطبوعات کنفرانسیندا "عصرین موقاویلهسی"نین هله ماسایا گلمهدیگینی بیلدیرهرک دئییب کی، بیز ایکی دؤولتلی حلین قبول ائدیلمهسی اوچون جهد گؤستریریک.
فیلیسطیندکی موجود وضعیتین باریش مقصدلی حل یولونو تهلوکه ایله اوزلشدیردیگینی دئین ژان ایو لودریان اردون-ون بو مسئلهده مرکزی رول گؤتوردوگونو وورغولاییب.
اردن ایله کئچیریلن گؤروشلرین ایکی اؤلکه آراسینداکی گوجلو علاقهلرین بیر عکس-صداسی اولدوغونا ایشاره ائدن لودریان گؤروشده ایلک پلاندا سوریه مسئلهسینی موذاکیره ائتدیکلرینی سؤیلهییب.
"ایلکین پلانداکی مقصدیمیز داعشی محو ائتمک و اورتا دوغونون تامامیله ثابتلیگه قوووشماسیدیر. بونا گؤره سوریه بحرانینا حل یولو تاپماق اوچون سعیلریمیزی داوام ائتدیرجییک. داعشه قارشی موباریزه هله باشا چاتمادی، تشکیلاتین محو ائدیلدیگینی دوشوننلر یانیلیر" دئیه فرانسانین خاریجی ایشلر ناظیری وورغولاییب.
سوریه-ده بشار اسدین حاکمیتده قالماسی ایله علاقهلی سوالا ایسه لو دریان بئله جاواب وئریب: "بو، اعتبارلی و شفاف سئچکیلرله مومکون اولا بیلر. اسدین نامیزد اولماسی قارشیسیندا گلهجکلری اوچون قرار وئرهجک اولانلار سوریه-لیلردیر. بو دا آنجاق سئچکی و آنایاسانین نیظاملانماسی ایله مومکون اولا بیلر. بوتون سوریه-لیلرین نمایندهلرینی سئچمک اوچون سس وئرمهلری واجیبدیر.
اردن-ون خاریجی ایشلر ناظری ایمن صفدی ایسه فرانسیز همکاری ایله کئچیردیگی گؤروشده ایکی طرفلی علاقهلر، فیلیسطین مسئلهسی و سوریه بحرانینی موذاکیره ائتدیکلرینی بیلدیریب.
اؤلکهسینین 1،3 میلیون سوریه-لی قاچقینا ائو صاحبلیگی ائتدیگینی بیلدیرن صفدی سوریه-لیلرین مومکون اولان ان یاخین زاماندا اؤلکهلرینه قاییتمالارینا ایمکان یاراتدیقلارینی دیله گتیریب.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.