ایران‌دان وطنداشلارینی بوراخماسینی ایسته‌دی
ایران‌لی ائلچی اؤلکه‌سینین سؤزوگئدن ۳ نفر حاقین‌داکی حقوقی پروسه‌نی سرعتله‌ندیرمه‌یه و سربست بوراخیلمالارینی تامین ائتمه‌یه چالیشدیغینی بیلدیردی
اردن، بصره کؤرفزی اسولارین‌دا بالیق اوولادیقلاری سیرادا یانلیشلیقلا ایران سولارینا گیره‌ن و ایران طرفین‌دن گؤزآلتینا آلینان ۳ اردن وطنداشینین بوراخیلماسینی طلب ائتدی.
اردن خاریجی ایشلر باخانلیغین‌دان وئریله‌ن یازی‌لی آچیقلامایا گؤره، دیش ایشلری باخانلیغی باش کاتیبی زید اللوزی، ایرانین امان ائلچیسی مجتبی فردوسی ایله گؤروشه‌رک اؤلکه‌سینین ایران‌دا گؤزآلتینا آلینان ۳ اردن وطنداشینین سربست بوراخیلماسی طلبینی چاتدیردی.
ایران‌لی ائلچی ایسه اردنلولارین ساغلیق وضعیتینین یاخشی اولدوغونو، اؤلکه‌سینین سؤزوگئدن ۳ نفر حاقین‌داکی حقوقی پروسه‌نی سرعتله‌ندیرمه‌یه و سربست بوراخیلمالارینی تامین ائتمه‌یه چالیشدیغینی بیلدیردی.
اردن خاریجی ایشلر باخانلیغی، ۲۷ دسامبر ۲۰۱۸ده بصره کؤرفزی سولارین‌دا بالیق اوولادیقلاری سیرادا قاییقلاری ایله بیرلیک‌ده ایتن ۳ اردنلو بالیقچینین ایران طرفین‌دن گؤزآلتینا آلیندیغینی آچیقلامیشدی.
خاریجی ایشلر باخانلیغی سؤزچوسو ماجد القطارنه، اوئردیگی یازی‌لی آچیقلامادا،
"تهرانداکی ائلچیلیگیمیز، بیرلشمیش عرب امیرلیکلری قورو سولارین‌دا دیگر عرب اؤلکه‌لرین‌دن یولداشلاری ایله بیرلیک‌ده بالیق اوولادیقلاری سیرادا سهواً ایران قورو سولارینا گیره‌ن اوچ اردنلونون ایران‌دا گؤزآلتیندا ساخلانیلدیغینی بیلدیردی" ایفاده‌سینی ایشلتمیشدی.
