ایران گمیلری اطلس اقیانوسونا گئدیر
"اؤلکه‌نین چیخارلارینی قوروماق اوچون اطلس اقیانوسونا گئده‌جکلر"
ایران دونانماسی، اطلس اقیانوسونا گئده‌جک.
ایران دنیز گوجلری باشچی وکیلی تورج حسنی‌مقدم، دونانمانین مارس آیین‌دان اعتباراً ۵ آی سوره ایله اطلس اقیانوسون‌دا اولاجاغینی سؤیله‌دی.
حسنی‌مقدم، ایرانین رسمی آژانسی ایرنادا یئر آلان آچیقلاماسین‌دا، اؤلکه‌نین چیخارلارینی قوروماق اوچون اطلس اقیانوسونا گئده‌جکلرینی و مسافه‌نین اوزون اولماسی سببی ایله دونانمانین بوراداکی وظیفه مدتینین تخمیناً ۵ آی اولاجاغینی بیلدیردی.
دونانمانین بو سفرده یئر کوره‌سی اطرافین‌دا دولاشاجاغینی قید ائد‌ن حسنی‌مقدم، آسییانین ان قاباقجیل تکنولوژیسینه صاحب اولان و ایران اوردوسونون دونانماسیناا قیسا مدت اؤنجه علاوه اولونان ساواش گمی‌سی سهندین ده بو ماموریتده اولاجاغینی بیلدیردی.
حسنی‌مقدم آیریجا ایران اوردوسون‌داکی ۵۹.جو دونانمانین هیند اقیانوسون‌دا عد‌ن کؤرفزین‌ده اولدوغونو خاطیرلاداراق، اقیانوس‌دا ایرانین چیخارلارینی قورویان سؤزوگئدن دونانمانین وظیفه مدتینین ایسه ۲ آی سونرا باشا چاتاجاغیینی آچیقلادی.
حسنی‌مقدم، استراتژیک دنیز گوجلرینین اوزاق سولارداکی داوام‌لی وارلیغینین ایران چیخارلارینی قوروما مقصدلی اولدوغونو ساووندو.
بیر هلیکوپتر ائنیش جیغیرینا صاحب ۹۶ متر اوزونلوغوندا، دنیزدن قورویا و دنیزدن هاوایا آتیلابیلن موشکلره و اینکیشاف ائتمیش رادارلارا صاحب اولدوغو آچیقلانان سهند آدلی ساواش گمی‌سی، ۱ دسامبر ۲۰۱۸ده هورمز بوغازین‌دا ائدیلن مراسیمله سویا ائندیریلمیشدی.
سهند آدلی گمینین ۵ آیا قدر آچیق دنیزلرده قالابیلمه توتومونا صاحب اولدوغو بیلدیریلمیشدی.
ایران ایلک یئرلی ساواش گمی‌سی جمارانی ۲۰۱۰.جو ایلده بصره کؤرفزین‌ده‌کی دنیز دونانماسینا علاوه ائتمیشدی.
ایلگیلی‌لی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیق‌لاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیق‌لاری باشلاییب.
