آمریکا طالبان ایله گؤروشدو
طالبان هؤرگوتونون نمایندهلری و آمریکالی مقاملار بیرلشمیش عرب امیرلیکلرینده گؤروشدولر
افغانیستانداکی ۱۷ ایللیک مساواشی سونا چاتدیرماق اوچون، طالبان هؤرگوتونون نمایندهلری و آمریکالی مقاملار بیرلشمیش عرب امیرلیکلرینده گؤروشدولر.
طالبان سؤزچوسو ذبیحالله مجاهد یازیلی بیر آچیقلامادا، طالبان نمایندهلری ایله آمریکالی یئتکیلیلر آراسیندا دونن ائدیلن گؤروشمهلره سعودی عربیستان، پاکیستان و بیرلشمیش عرب امیرلیکلری نمایندهلرینین ایشتیراک ائتدیگینی بیلدیردی.
آچیقلامادا، گؤروشمهلرده آمریکانین افغانیستاندان چکیلمهسی و اؤلکهدهکی باریش تامین ائدیلمهسینین مذاکیره ائدیلدیگی قید ائدیلدی.
مذاکیرهلرین داوام ائدهجگی بیلدیریلدی.
دیگر طرفدن، افغانیستان جمهورباشقانلیغیندان وئریلن آچیقلامادا طالبان ایله افغانیستان حکومتی آراسیندا باریش دانیشیقلارینین ان قیسا زاماندا باشلایاجاغینی آچیقلادی.
آچیقلامادا، دانیشیقلاری یئریدهجک عبدالسلام رحیمی باشقانلیغینداکی افغانیستان هیاتینین بیرلشمیش عرب امیرلیکلرینه گئتدیگی وورغولاندی.
طالبان نمایندهلری و آمریکالی مقاملار اکتبر آییندا قطرده بیر آرایا گلمیشدی.