لبنان ایسراییلی بمت-یه شیکایت ائدیر
لبنان-ین خاریجی ایشلر ناظیری جبران باسیل اؤلکه‌سینه قارشی دیپلوماتیک و سیاسی تبلیغات آپاردیغینا گؤره ایسراییل-ین بمت-یه شیکایت ائدیلمه‌سینه دایر گؤستریش وئردی.
لبنان-ین خاریجی ایشلر ناظیری جبران باسیل اؤلکه‌سینه قارشی دیپلوماتیک و سیاسی تبلیغات آپاردیغینا گؤره ایسراییل-ین بمت-یه شیکایت ائدیلمه‌سینه دایر گؤستریش وئردی.
خاریجی ایشلر ناظیرلیگی‌نین آچیقلاماسینا گؤره، باسیل اؤلکه‌سی‌نین بمت-ده کی سفیری آمال مودال‌لا‌لی‌یه "هوجوم‌لارینا اؤن حاضرلیق اولا‌راق لبنانا قارشی دیپلوماتیک و سیاسی تبلیغات آپاردیغی" سببیله ایسراییل-ی بمت-یه شیکایت ائتمک اوچون گؤستریش وئردی. ایسراییل لبنان تلفون شبکه‌سینه هوجوم ائتدی و کافات کیلا بؤلگه‌سی ساکین‌لرینه "بو تونل‌لر پارتلاما تهلوکه‌سی داشیییر. یاخینلیغیندا یاشایان‌لار تهلوکه ایله قارشی-قارشییا‌دیر" طرزینده خبردارلیق‌لار ائتدی و ایسراییل-ین هاوا‌دان، قورودان و سرحد-کئچید منطقه‌لرین‌دن پوزونتولارینا داها بیر یئنی‌سینی ده علاوه ائده‌رک خالقی تهدید ائتدی.
دیگر طرف‌دن، لبنان-ین گونئی-ینده یئرلشن بمت-نین موقتی قوه‌لری (UNIFIL) ایسراییل-لبنان سرحدینده آپاریلان تدقیقات‌لاردا بیر تونلین آشکارلاندیغینی بیلدیریب.
UNIFIL طرفیندن وئریلن آچیقلامادا قئید ائدیلیب کی، UNIFIL قوموتانی ژنرال استفانو دل کول تکنیکی هئیتله ایسراییل-ن قوزیی ینده کی سرحد بؤلگه‌سینه سفر ائتدی.
ایسراییل اردوسونون تونلی اورتایا چیخاردیغی بؤلگه‌یه گئدیلدی و تونلین اوردا اولدوغو دقیقلشدیریلدی. نتیجه‌ده UNIFIL حاضردا واجیب اولان آددیم‌لاری سرعت‌لی شکیلده آتماسی اوچون طرف‌لرله علاقه ساخلادی. بو تهلوکه‌لی وضعیتین تامامیله دقیقلشدیریلمه‌سی بؤیوک اهمیت کسب ائدیر.
آچیقلامادا آیریجا، UNIFIL-ین الده ائتدیگی ایلک معلومات‌لاری لبنان رسمی‌لرینه ده گؤندرجگی بیلدیریلیب.
قئید ائدک کی، ایسراییل اردوسونون چرشنبه آخشامی گونو وئردیگی آچیقلامادا اؤلکه‌نین قوزیی ینده حزب الله-ا مخصوص تونل‌لر اولدوغو ایره‌لی سوروله‌رک، بو تونل‌لری محو ائتمک اوچون لبنان سرحدینده عملیاتا باشلاندیغی بیلدیریلمیشدی.
