کابلدا قانلی سالدیری
۱۰ ساعات داوام ائدن چاتیشمانین آردیندان دؤرد سالدیرقان اؤلدورولدو
1096999
افغانیستانین باشکندی کابلدا دونن بومبا یوکلو ماشینلا تشکیل اولونان سالدیریدا ۱۰ نفر یاشامینی ایتیردی، ۲۹ نفر یارالاندی.
کابل پلیس ایدارهسینین سؤزچوسو بصیر مجاهد، ۵ سالدیرقاندان بیرینین، بومبا یوکلو ماشینلا کابلون دیسپیچری بؤلگهسینده اینگیلیس گوونلیک شیرکتی گ۴سنین گیریش قاپیسینی هدف آلدیغینی بیلدیردی.
بومبالی سالدیرینین آردیندان دیگر دؤرد سالدیرقانین شیرکته گیررک گوونلیک گؤرهولیلری ایله چاتیشدیغینی ایفاده ائدن مجاهد، تخمیناً ۱۰ ساعات داوام ائدن چاتیشمانین آردیندان دؤرد سالدیرقانین ائتکیسیز حالا گتیریلدیگینی دئدی.
مجاهد، سالدیریدا ۱۰ نفرین حیاتینی ایتیردیگینی، آرالاریندا خاریجیلرین ده اولدوغو ۲۹ نفرین یارالاندیغینی قید ائتدی.
سالدیرینی طالبان هؤرگوتو اوستلنمیشدی.