ایلیاس حضرتی، پرزیدنت حسن روحانی حکومتینی پروبلملره لاقئید قالماقلا گوناهلاندیردی
تسنیم خبر آژانسینا قونوشان تهران میللت وکیلی حضرتی، روحانینین کئچن آی کابینه'ده ائتدیگی دییشیکلیکلری اؤلکه پروبلملرینی حلّ ائتمک یولوندا کیفایتسیز اولدوغونو ایفاده ائتدی
ایرانلی رفورمیست میللت وکیلی ایلیاس حضرتی، پرزیدنت حسن روحانی حکومتینی پروبلملره لاقئید قالماقلا گوناهلاندیردی.
تسنیم خبر آژانسینا قونوشان تهران میللت وکیلی حضرتی، روحانینین کئچن آی کابینه'ده ائتدیگی دییشیکلیکلری اؤلکه پروبلملرینی حلّ ائتمک یولوندا کیفایتسیز اولدوغونو ایفاده ائتدی.
اؤلکهدکی رفورمیست روحانی حکومتیندن شیکایت ائتمهلرینه باخمایاراق دستکلمهیه داوام ائتدیکلرینی بیلدیرن حضرتی،
"روحانی حکومتی گرئکلی تلاشی گؤسترمیر، پروبلملره لاقئید بیر حال آلدی." دئدی.
ایران رهبرلیگینده کئچمیشه اساسلانان سیستم پروبلملری و سون دؤورده یئنیدن دؤورهیه گیرن آمریکا تحریملری، اؤلکهده باش وئرن ایقتیصادی بحرانی درینلشدیررکن دولت ایدارهسیندکی پروبلملرین داها مورکب حالا گلمهسینه سبب اولور. حلّ اولاراق سیستمین اصلاح و یئنینی تکلیف ائدن رفورمیستلر، سون گونلرده روحانی حکومتینه قارشی تنقیدلرینی آرتیریب.
پرزیدنت روحانی، موحافیضه'کارلارین باسقی و رفورمیست تنقیدلردن سونرا کئچن آی، ایقتیصاد و مالیه ناظیرلیگینه فرهاد دژپسندی، صنایع، معدن و تیجارت ناظیرلیگینه رضا رحمانی، یول و شهرجیلیک ناظیرلیگینه محمد اسلامی، امک و سوسیال ریفاه ناظیرلیگینه ده محمد شریعتمداری گتیرمیشدی.