جواد ظریف، عربیستانینین ایرانلی نمایندهلره سوی-قصد پلانلاریندان خبردار اولدوقلارینی دئییب
محمد جواد ظریف،اولکه'سینین آپاردیغی بؤلگه'سل سیاست، قونشولاری ایله موناسیبتلر و آمریکا تحریملرینین تأثیرلرینه دایر قیمتلندیریردی
ایران خاریجی ایشلر ناظیری جواد ظریف، سعودی عربیستانینین ایرانلی نمایندهلره قارشی سوی-قصد پلانلاریندان خبردار اولدوقلارینی دئییب.
لندن مرکزلی العربی الجدید قزئتینه اؤزل موصاحیبه وئرن ایران خاریجی ایشلر ناظیری محمد جواد ظریف،اولکه'سینین آپاردیغی بؤلگه'سل سیاست، قونشولاری ایله موناسیبتلر و آمریکا تحریملرینین تأثیرلرینه دایر قیمتلندیریردی.
نیویورک تایمز قزئتینده یئر آلان، "سعودی عربیستانینین، اینقیلاب موحافیظلری اوردوسونا باغلی قودس گوجو قوموتانی قاسم سلیمانینین ده آرالاریندا اولدوغو ایرانلی شخصیتلره قارشی سوی-قصد پلانلاری" ایله باغلی ادعالارین وئریلمهسی اوزرینده ظریف،
بو بارهده الیمیزده اعتبارلی معلوماتلار وار." جوابینی وئردی.
سعودی عربیستانین سون ایللرده ایرانداکی ترور تشکیلاتلارینی دستکلدیگینی دئین ظریف،
ریاض، ساواش ایرانین ایچلرینه اولاجاغینی داها اوّل آچیق شکیلده اعلان ائتمیشدی. بونون آردیندان، ترور تشکیلاتی داعشین مجلیس سالدیریسینا و ترور قروپلارینین اؤلکهمیزین شرق حیسهسیندکی فعاللیغینین آرتدیغینا شاهید اولدوق." دئدی.
سعودی عربیستانین "ترور سیاستینین" یئنی اولمادیغینی و بو مسئلهده ایستیخباری معلوماتلارا مالیک اولدوقلارینی بیلدیرن ظریف،
ایرانا ضربه وورماق اوچون رادیکال قروپلاری دستکلهین سعودی عربیستانیدیر. نیویورک تایمز قزئتینین یازدیغی مسئله سعودی عربیستانینین بیزه قارشی حرکتلرینین کیچیک بیر قیسمی. اومید ائدیرم کی، دیگرلری الریاضین ائتدیکلری حاقیندا گؤزلرینی آچیرلار" دئیه دانیشدی.
سعودی عربیستانینین یمنی بومبالادیغینی، قطری محاصیرهیه آلدیغینی، و لبنان باش ناظیری سعد حریری نظارتده ساخلادیغینی دئین ظریف،
بونا یاناشی، ژورنالیست جمال قاشیقچی، الریاض طرفیندن اؤلدورولوب. تورکیه حاضیردا بو جینایتین سوروشدورماسینی جیدیلیکله داوام ائتدیریر" دئدی.
2 اوکتوبردا، ائولیلیک ایشلری اوچون سعودی عربیستانینین ایستانبول باش کونسوللوغونا گئدن قاشیقچی-نین، بورادا، وحشیجهسینه اؤلدورولدوگو اورتایا چیخدی
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.