علی لاریجانی: ایران اورانیوم غنیلشدیرمه تاسیسینده 3 ایله 4 مین سانتریفوژون چالیشر
لاریجانی، فارس ایالتینه باغلی لار شهرینده قاتیلدیغی بیر مراسیمده ائتدیگی آچیقلامادا، اؤلکه‌سی‌نین نوکلئر پروقرامی و آوروپا ایله نوکلئر آنلاشما‌نین داوامینا دایر آپاریلان دانیشیق‌لارا توخونوب
ایران مجلیس باشقانی علی لاریجانی، نوکلئر آنلاشما چرچیوه‌سینده، اورانیوم غنیلشدیرمه تاسیسینده فعال اولاراق 3 ایله 4 مین سانتریفوژون چالیشدیغینی دویوردو.
لاریجانی، فارس ایالتینه باغلی لار شهرینده قاتیلدیغی بیر مراسیمده ائتدیگی آچیقلامادا، اؤلکه‌سی‌نین نوکلئر پروقرامی و آوروپا ایله نوکلئر آنلاشما‌نین داوامینا دایر آپاریلان دانیشیق‌لارا توخونوب.
آمریکانین تک طرف‌لی چکیلدیگی نوکلئر آنلاشما‌نین، آمریکا وایسرائیلین طلبی اساسیندا ایمضالاندیغینی دئین لاریجانی،
ایسته دکلری ائتدیک‌لری آنلاشمانی اورتا‌دان قالدیردی‌لار، داها سونرا دا آمریکا آنلاشما‌دان چکیلدی." دئدی.
آمریکانین آنلاشما‌دان چیخماسین‌دان سونرا آوروپا‌لی لیدرلرین آنلاشمانی قوروماق اوچون ایران‌دان زامان ایستدیگینی خاطیرلا‌دان لاریجانی،
بیزدن طلب ائتدیک‌لری واخت بیتمک‌ده دیر." دئدی.
ایرانین یاری رسمی خبر آژانسی تسنیمه گؤره، لاریجانی، ایرانین نوکلئر سیلاحی آرخاسیندا اولمادیغینی آنجاق اورانیوم غنیلشدیرمه حقوقونو مدافعه ائتمه‌یه داوام ائده‌جک‌لرینی ایفاده ائده‌رک، اورانیوم غنیلشدیرمه تاسیس‌لرینده تخمینن 3- 4 مین آکتیو سانتریفوژون چالیشدیغینی سؤیله‌دی.
ایران ایله بیرلشمیش میللت‌لر امنیت شوراسی‌نین 5 دایمی عضوو و (آمریکا، اینگیلتره، فرانسا، روسیا، چین) آلمانیا آراسیندا 2015ده ایمضا‌لانان گئنیش بیرگه فعالیت پلانی آدلان‌دیریلان آنلاشما‌یاه اساساً، تهرانین 10 ایل عرضینده سانتریفوژ ساییسینی 5 مین 60ین اوستونه چیخارماماسی گرکیر.
آنلاشما‌دن اوّل، اولوسلار آراسی آتوم انرژیسی آژانسی (IAEA) معلومات‌لارینا گؤره، ایرانین نطنز و فوردو تاسیس‌لرینده 19 مین سانتریفوژ اورانیوم غنیلش‌دیرمکده ایستیفاده اولونوردو.
