ایران ایشچی نمایندهلری، تهراندا گؤستری ائتدی
تهران ایشچیلری کوردیناسیون شوراسینین صدری حسین حبیبی، "تأسف کی، اینقیلاب سونراسی ایش باشینا گلن حکومتلر 40 ایلدیر کی، ایشچیلرین حاقلارینی وئرمیرلر." دئدی
ایران ایشچی نمایندهلری، سوسیال حاقلارینین وئریلممه سینی باشکند تهراندا اعتراض ائتدی.
ایرانلی ایشچیلر خبر آژانسی ایلنایا گؤره، تهرانداکی ساغلیق ناظیرلیگی بیناسی قارشیسیندا کئچیریلن میتینگ ده دانیشان تهران ایشچیلری کوردیناسیون شوراسینین صدری حسین حبیبی، "تأسف کی، اینقیلاب سونراسی ایش باشینا گلن حکومتلر 40 ایلدیر کی، ایشچیلرین حاقلارینی وئرمیرلر." دئدی.
ساغلیق ناظیری حسن هاشیمینین ایشچیلرین ساغلیق ساحهسیندکی حقوقلارینی یوخ ائدن شخصلرین باشیندا گلدیگینی ادعا ائدن حبیبی، "ساغلیق ناظیری، 70- 120 قلم درمانی بیمه خطیندن چیخاردی. بو وضعیت بیمه سینی اؤدهین ایشچیلرین حقوقلارینا ال اوزاتماقدان باشقا بیر شئی دئییل" ایفادهسینی ایستیفاده ائتدی.
شرق تهران ایشچیلری صدری فتح الله بیاتی ده بعضی درمانلارین سوسیال امنیتی چرچیوهسیندن چیخاریلماسینین ایشچیلره خیانت اولدوغونو ساووندو.
بیاتی، "بعضی ساغلیق ناظیرلیگی ایشچیلری ایله ایران مجلیسی میللت وکیللری، آنایاسا قورویوجولار شوراسینین راضیلیغی ایشچیلرین حقوقلارینی اللریندن آلیر." ایفادهلرینی ایستیفاده ائتدی.
ساغلیق ناظیری حسن هاشیمی، ترکیبینده طیب فاکولتهلرینی احاطه ائدن اونیورسیته لرین باشقانلاری دونن تهراندا بیر آرایا گلمیشدی. ایجلاسداکی چیخیشیندا هاشیمی، اؤلکهدکی درمان سیخینتیسینا توخوناراق، آمریکانین تهرانا قارشی تحریملرینین درمان و طیبی وسایل تامینینه مانع اولدوغونو سؤیلمیشدی.