'اؤلدورولن' قازئتهچی دانیشدی
"اوکراینا گوونلیک سرویسی طرفیندن وئریلن بیلگییه گؤره، اؤزللیکله روس اؤزل سرویسلری روس قازئتهچیین اؤلدورولمهسی امرینی وئردی"
اوکراینانین باشکندی کیئوده اؤلدورولدویو آچیقلانان روس قازئتهچی آرکادی بابچئنکونون یاشادیغی اورتایا چیخدی.
آرکادی بابچئنکو، اوکراینا گوونلیک سرویسی باشقانی واسیلی گریتساک ایله مطبوعات کنفرانسی دوزنلهدی.
گریتساک، دونن اؤلدورولدویو آچیقلانان بابچئنکونون یاشادیغینی بیلدیرهرک، "بیر سوءقصد گیریشیمینی انگللمهک" مقصدیله سناریو حاضیرلادیقلارینی دئدی.
گریتساک، سوءقصد جهدینه حاضرلانان شخصین کیئوده یاخالاندیغینی بیلدیرهرک، بو شخصین پول قارشیلیغیندا روسیا طرفیندن بو ایش اوچون حاضیرلاندیغینی ادعا ائتدی.
واسیلی گریتساک،
"اوکراینا گوونلیک سرویسی طرفیندن وئریلن بیلگییه گؤره، اؤزللیکله روس اؤزل سرویسلری روس قازئتهچیین اؤلدورولمهسی امرینی وئردی" ایفادهلرینی ایشلتدی.
گریتساک، بو اؤزل عملیاتلا قازئتهچی بابچئنکونون اؤلدورولمهسینی انگللهدیکلرینی بیلدیردی.
داها سونرا کامئرالارین قارشیسینا چیخان قازئتهچی بابچئنکو ایسه اوکراینا استخباراتی طرفیندن سوءقصده اوغرایاجاغینا دایر اؤنجهدن اویاریلدیغینی سؤیلهدی.
بابچئنکو،
"بیر آی اول منه گلدیلر و منیم اؤلدورولمهم اوچون تاپشیریق وئریلدیگینی سؤیلهدیلر. سوءقصدی ائدجک شخصه پول وئریلمیش" دئدی.
استخبارات امکداشلارینین توپلادیقلاری معلوماتلار آراسیندا یالنیز پاسپورتوندا اولان فوتوگراف و بیلگیلری اونا گؤستردیکلرینی ایفاده ائدن بابچئنکو، بو معلوماتلارین یالنیز روسیادا اولدوغونو بیلدیردی.
بابچئنکو،
"بیلگیلرین روسیادان گلدیگی بللی اولدو. گؤرونن او کی معلوماتلار دؤولتدن گلیر. بو معلوماتلاری یالنیز اؤزل قوهلر الده ائدهبیلر" دئدی.
اوکراینا داخیلی ایشلر ناظرلیگی طرفیندن روس وطنداشی قازئتهچی آرکادی بابچئنکونون کیئودهکی ائوینده کورهگیندن سلاحلا وورولدوغو، خستهخانایا آپاریلارکن اؤلدویو بیلدیریلمیشدی.
قازئتهچی بابچئنکو، ۲۰۱۷.جی ایلده روسیانی ترک ائتمیش و کیئوه یئرلشمیشدی.
موختلیف قازئته و تلویزیونلاردا چالیشان بابچئنکو، کیئوده قیریم تاتار تلویزیونو آترده اؤز پروگرامی واردی.
ایلگیلیلی خبرلر
تورکیه اوردوسو عراق و سوریه-ده 17 ترورچونو ضررسیزلشدیریلیب
عراق و سوریه-نین قوزئیینده بولوجو ترور تشکیلاتی پ.کا.کا-یا عاید 17 ترورچو ضررسیزلشدیریلیب.
آذربایجان و ائرمنیستان آراسیندا باریش دانیشیقلاری باشلاییب
قازاخیستانین آلماتی شهرینده آذربایجان و ائرمنیستان آراسیندا باریش دانیشیقلاری باشلاییب.