غزه‌ده یئنی اعتراض‌لار کئچیریلیب
ایسرائیل عسگرلری، غزه و باتی شرعیه‌ده 13 فیلیسطینلینی داها یارالادی
ایسرائیلین جمعه گونو غزه‌نی قانا بولایان‌دان سونرا یئنی اعتراض‌لار کئچیریلیب.
ایسرائیل عسگرلری، غزه و باتی شرعیه‌ده 13 فیلیسطینلینی داها یارالادی.
غزه‌ده خالق، ایسرائیل عسگرلری‌نین گولله‌لری ایله جان وئرن 17 فیلیسطینی بیر-بیر تورپاغا وئریر.
سون ایللرده غزه‌ده باش وئرن ان بؤیوک قیرغین‌لاردان بیری، فیلیسطین‌لی‌لری یئنی‌دن کوچه‌یه تؤکدو.
باتی شرعیه و غزه‌ده یئنی اعتراض‌لار کئچیریلیب.
فیلیسطینده شنبه گونو آیریجا میللی یاس گونو اعلان ائدیلیب.
ایش یئرلری کیرکیره‌لرینی باغلایاراق اعتراضلارا دستک وئردی.
فیلیسطین دولت رهبری عباس، بیرلشمیش میللت‌لره (بمت) فیلیسطین خالقینا قوروما تامین ائتمک اوچون درحال حرکته کئچمه‌سی چاغیریب.
کویت‌ین طلبی ایله بیرلشمیش میللت‌لر امنیت شوراسی عاجیل توپلاندی.
آنجاق گؤروشمه‌دن بیر قیناما قراری بئله چیخمادی.
بیرلشمیش میللت‌لر تشکیلاتی‌نین باش کاتیبی آنتونیو گوترز ایسه، موستقیل و شفاف سوروشدورمایا چاغیریب.
عرب بیرلیگی، قطر، کویت و میصر ایسرائیل عسگرلری‌نین فیلیسطین‌لی‌لره قارشی زوراکی‌لیغینی پیسله‌ییب.
ایسرائیل عسگرلری غزه سرحدینده جمعه گونکو اعتراض‌لاردا، سنایپر و اینسان‌سیز هاوا واسطه‌لری ایله فیلیسطین‌لی‌لری وورموشدو.
حادثه‌لرده یوزلرله آدام دا یارالانمیشدی.
ایلگیلی‌لی خبرلر
یونانین مودافیعه ناظیری: تورکیه گمی‌قاییرماچیلیق ساحه‌سینده ایرلیده
نیکوس دندیاس یونان حربی دنیز قووه‌لرینین ایقتصادی بؤحران دؤورونده گئری قالدیغینی بیلدیریب
