ایران‌دان "گوجلرینی چکمه‌سینی" ایسته‌دی

آمریکا خاریجی ایشلر باخانی تیلرسون، ایران‌دان "سوریه‌ده‌کی گوجلرینی چکمه‌سینی" ایسته‌دی.

اورتادوغوسفری قابسامیندا اردنون باشکندی امان‌دا اولان رکس تیلرسون، اردن‌لو قونومداشی ان ایمن الصفدی ایله باخانلیق بیناسین‌دا بیر آرایا گلدی.

تیلرسون، گؤروشمه‌دن سونرا دوزنلنن اورتاق مطبوعات کنفرانسیندا وئردیگی آچیقلامادا، ایران ایله ایسراییل آراسین‌دا سوریه‌ده باش وئره‌ن سون حادثه‌لر سببیله قایغیلی اولدوقلارینی بیل‌دیره‌رک،

"ایران‌دان سوریه‌ده‌کی گوجلرینی چکمه‌سینی ایستییریک" دئدی.

ایرانین آیریجا لبنان‌داکی حزب اللهی دا ائتکیله‌دیگینه ایشاره ائد‌ن تیلرسون، حربی گوجلرین حکومتین کنترلو آلتین‌دا اولدوغو اؤزگور و مستقیل بیر دؤولتین تاسیسینی دستکلدیکلرینی ایفاده ائتدی.

تیلرسون، یارین حیاتا گئچیرمه‌یی پلانلاشدیردیغی بیروت سفرین‌ده "لبنان‌لی لیدئرلرله، دموکراسی پروسه‌سی و اؤلکه‌نین گلجه‌گینه دایر مسئله‌لرین" مذاکیره اولوناجاغینی بیلدیردی.

الصفدی و تیلرسون آیریجا، ایکی اؤلکه آراسین‌دا استراتژیک اورتاقلیق چرچیوه‌سین‌ده؛ آمریکانین اردنا ۵ ایل بویونجا ایللیک ۱،۲۷۵ میلیارد دلار یاردیم ائتمه‌سینی اؤن گؤرن بیر آنلاشما ایمضالادی.