"اسراییلین ایراندا قولاغی و گؤزو وار"
موساد باشقانی: اسراییلین، ایراندا گؤزو، قولاغی و داها باشقا شئیلری وار
اسراییل استخبارات سرویسی موساد باشقانی یو‌سی کوهن، اسراییلین ایراندا "قولاغی و گؤزو" اولدوغونو دئدی.
اسراییل‌ده یایینلانان هاآرتص قزئتین‌ده یئر آلان خبره گؤره، کوهن بیر تدبیرده چیخیشیندا، ایران‌داکی سون اعتراضلارلا باغلی دانیشدی.
"اسراییلین، ایراندا گؤزو، قولاغی و داها باشقا شئیلری وار" دئین یو‌سی کوهن، اؤلکه‌ده‌کی سون اعتراضلارین ایران پرزیدنتی حسن روحانینین خالقین اقتصادی گؤزلنتیلرینی قارشیلایاممادیغیندان قایناقلاندیغینی ساووندو.
ایراندا بیر انقلاب اولدوغونو گؤرمک ایسته‌دیگینی آنجاق گؤزلنتیلری معقول توتماق لازیم اولدوغونو ایفاده ائد‌ن کوهن، تهرانین "اورتادوغوداکی ایستکلرینی حیاتا کئچیرمک اوچون گوونلیگه داها چوخ پول خرجله‌دیگینی" اؤنه سوردو.
کوهن، آمریکانین اورتادوغو آنلاییشینین دا دونالد ترامپین حاکمیته گلمه‌سی ایله دییشدیگینی بیلدیردی.
یو‌سی کوهن،
"(آمریکانین سیاستلرین‌ده) اسراییلین گوونلیک چیخارلارینی داها چوخ نظره آلان دییشیک‌لیکلر گؤروروک و بو وضعیت ایران تأثیرینین ایستیقامتینی دییشدیرمه‌میزه کؤمک ائد‌جک" دئدی.
