۹۲ فلسطینلی یارالاندی

ایسراییل عسگرلرینین، اردن چایینین باتی ساحلی و غزه سرحدین‌ده گئچیریلن گؤستریلره مداخیله‌سین‌ده ۹۲ فلسطینلی یارالاندی.

فلسطین ساغلیق باخانلیغین‌دان وئریلن یازی‌لی آچیقلامادا، ایسراییل عسگرلرینین الخلیل یاخینلیغین‌داکی گؤستریلره مداخیله‌سینده ۳ فلسطینلینین گرچک مرمی ایله یارالاندیغی، بیرینین وضعیتینین آغیر اولدوغو بیلدیریلدی.

فلسطین قیزیل آیین‌دان وئریلن آچیقلامادا دا ایسراییل عسگرلرینین بیت الهم شهرینین قوزئی گیریشین‌ده‌کی مداخله‌لرین‌ده ۴ فلسطینلینین گرچک مرمی، ۴۵ینین پلاستیک مرمی ایله ۷سینین ایسه مختلیف سببلرله یارالاندیغی قید ائدیلدی.

آچیقلامادا، ۷۷ فلسطینلینین ده گؤز یاشاردیجی گازدان ائتکیلندیگی بیلدیریلدی.

غزه‌ده‌کی ساغلیق باخانلیغی سؤزچوسو اشرف الکودرا دا وئردیگی یازی‌لی آچیقلامادا، ایسراییل عسگرلرینین گرچک مرمی ایله مداخیله‌سی نتیجه‌سین‌ده ۳۳ فلسطینلینین یارالاندیغینی بیلدیردی.

کودرا، ایسراییل عسگرلرینین سیخ شکیل‌ده آتدیغی گؤز یاشاردیجی گازدان دا ۷۰ نفرینین ائتکیلندیگینی قید ائتدی.