ایراندا زلزلهنین ان چوخ جان آلدیغی شهره لازیمی کؤمک یئتیشمهدی
عراق-ایران سرحدینده بازار آخشامی میدانا گلن 7.3 بوگوکلوغوندکی زلزلهده، ان چوخ جان ایتکیسینین یاشاندیغی ایرانین کیرمانشاه ایالتینه باغلی سرپل زهاب شهرینین بیر چوخ بؤلگهسینه یئترلی یاردیم یئتیشمهدی
ایراندا زلزلهنین ان چوخ جان آلدیغی شهره لازیمی کؤمک یئتیشمهدی
عراق-ایران سرحدینده بازار آخشامی میدانا گلن 7.3 بوگوکلوغوندکی زلزلهده، ان چوخ جان ایتکیسینین یاشاندیغی ایرانین کیرمانشاه ایالتینه باغلی سرپل ذهاب شهرینین بیر چوخ بؤلگهسینه یئترلی یاردیم یئتیشمهدی.
ایرانین یاری رسمی خبر آژانسی تسنیم-ین بؤلگه خالقینا اساسلاندیردیغی خبرینده، سر پل ذهاب شهرینده بیر چوخ اینسانین، زلزلهنین آردیندان اوچونجو گئجه ده آچیق هاوادا کئچیردیگی و بؤلگهیه یئترلی چادیر یئتیشمدیغی قید اولونوب.
بؤلگه خالقینین یاردیم چاغیریشلارینا یئر وئریلن خبرده، "دولت دستگیندن اومیدینی کسن یئرلی خالق، ایران میللتیندن اونلارا یاردیم الینی اوزاتماسینی ایستییر". ایفادهسینه یئر وئریلیب.
خصوصیله چؤل بؤلگهلردکی کندلره یاردیملارین چاتمادیغینا ایشاره ائدیلن خبرده، بؤلگه خالقیندان گلن "ارزاق، درمان و چادیر کیمی اساس احتیاجلاردان محروم اولدوقلاری" اوچون مساژلارا یئر وئریلیب.
سر پل ذهاب والیسی اکبر سنجابی، تسنیم موخبیرینه وئردیگی موصاحیبهده، بؤلگهیه بیر چوخ یاردیم پاکتینین چاتدیغینی، آنجاق بو یئترسیز قالدیغینی بیلدیریب،
زلزلهنین" اوزریندن اوچ گئجه کئچمهسینه باخمایاراق سر پل ذهاب اهلیندن بعضیلری، گونلرینی سویوق هاوادا چؤلده کئچیرمهیه داوام ائدیر". دئدی.
بؤلگهده تخمینن 10 مین چادیرداغیتیلدیغینی اؤتورو سنجابی، چادیر چاتمازلیغینین سببینین ائولری ضرر گؤرمهین وطنداشلارین دا سارسینتیلار سببیله ائولرینه دؤنهممهلری اولدوغونو ایرهلی سوردو.
دیگر طرفدن، ایران خاریجی ایشلر باخانی جواد ظریف، توییتر حسابیندان آپاردیغی پایلاشیمدام یاردیم تکلیف ائدن اؤلکهلره تشککور ائدهرک، بین الخالق یاردیما احتیاج دویولمادیغینی و هلهلیک اؤز ایمکانلاری ایله وضعیتی ایداره ائتدیکلرینی ایفاده ائتدی.