کرکوک-ده قارشیدورما خبردارلیغی
عراق-دا موخالیفتین باشینا کئچن گوران (دییشیم) حرکاتی و ایسلام جمعیتی پارتیسی (کومل) بیر داها 25 سپتامبر موستقیللیک رفرندومونون تاخیره سالینماسینی طلب ائتدیلر.
عراق-دا موخالیفتین باشینا کئچن گوران (دییشیم) حرکاتی و ایسلام جمعیتی پارتیسی (کومل) بیر داها 25 سپتامبر موستقیللیک رفرندومونون تاخیره سالینماسینی طلب ائتدیلر.
ایکی پارتینین آدیندان یاییلان اورتاق بیاناتدا دئییلیر: " رفرندوم میللی هدفلرین الده اولونماسی اوچون واسطهدیر. لاکین بو نوع قاریشیق و گلجهیی غیری -معین اولدوغو بیر زاماندا رفرندومون کئچیریلمهسی میللی هدفلره چاتماق ایستراتژی سینه اویغون اولماماقلا یاناشی، خالقیمیزین بو گونو و گلجیینی تهلوکهیه آتان بیر آددیمدیر. رفرندوم کرکوک و موباحیثهلی بؤلگهلرده کئچیریلرسه، محاربه و گرگینلیک چیخار، او بؤلگهلرین ایتیریلمهسی ریسکی یارانار.
پئشمرگهنین عراق اردوسو و سیلاحلی قروپلارلا توققوشماسی حالیندا عراق-ین قوزیینده ثابتلیک پوزولار. خالقین حیاتینی یاخشیلاشدیرماق آدی ایله آتیلان بو آددیم عکسینه، چیگینلردکی یوکو آرتیراجاق و داها چتین بیر وضعیتین یارانماسینا سبب اولاجاق".
بیاناتدا اولوسلار آراسی توپلومون واسیتچیلیک تکلیفلرینین قبول اولونماسی و رفرندومون تاخیره سالینماسی طلب ائدیلیر.