"ایران، سون وئرنه قدر..."
روسکام، آمریکانین، گئچمیشده سوریه‌ده اسد رژیمینه دستک اوچون عسگر و سلاح کیمی قایناق‌لاری تیجاری اوچاق‌لارلا داشییان ایرانا اوچاق ساتیشین‌دان چکینمه‌سی لازیم اولدوغونو سؤیله‌دی
آمریکا نماینده‌لر مجلسی، ایرانا تجاری اوچاق ساتیشینی انگلله‌ین اؤنلملری قبول ائتدی.
ده هیل‌ین خبرینه گؤره، جمهوریتچی عضو پیتر روسکامین 2018 ایلی خرجلمه پاکتینه تکلیف ائتدیگی 2 دییشیک‌لیک، آمریکا نماینده‌لر مجلسینده گئچیریلن سس‌لی اویلامادا قبول ائدیلدی.
دییشیک‌لیک‌لر، تیجاری ساتیش‌لارا صلاحیت وئرن فوندلارین ایستیفا‌ده‌سینی قاداغان ائدیر و خاریجی وارلیق‌لاری کنترل اوفیسی‌نین اوچاق ساتیشینا لیسانس وئرمه‌سینی انگلله‌ییر.
روسکام، آمریکانین، گئچمیشده سوریه‌ده اسد رژیمینه دستک اوچون عسگر و سلاح کیمی قایناق‌لاری تیجاری اوچاق‌لارلا داشییان ایرانا اوچاق ساتیشین‌دان چکینمه‌سی لازیم اولدوغونو سؤیله‌دی.
پیتر روسکام،
"ایران، ساواش جینایت‌لرینی و تروریستلری دستکلمک اوچون تجاری اوچاق ایستیفاده ائتمه‌یه سون وئرنه قدر اسدین آجیماسیز ساواشینی قیزیش‌دیرماق اوچون ایستیفاده ائده‌بیله‌جک‌لریندن، باتی‌لی شیرکت‌لرین ایران هاوا یول‌لارینا داها چوخ اوچاق ساتماسینا ایجازه وئرممه‌لی" دئدی.
نماینده‌لر مجلسی‌نین دموکرات عضو‌لری ایسه دییشیک‌لیک‌لرین، جولای 2015ده ایران ایله واریلان نوکلئر آنلاشمانی تهلوکه‌یه آتاجاغی اویاریسینی ائتدی.
روسکامین اؤتن ایل خرجلمه پاکتی اوچون تکلیف ائتدیگی بنزر تکلیف‌لر ده قبول ائدیلمیش آنجاق یاسا‌لاشمامیشدی.
آمریکا پرزیدنتی دونالد ترامپین نوکلئر آنلاشمانی سرت بیر دیلله تنقید ائتدیگی بیلینیر.
