عراق ایله سعودی عربیستانی آراسیندا، عرعر مرز قاپیسی آچیلیر
ایکی اؤلکهنین اورتاق تیجارت کومیسیونو قورما قراری آلماسینین آردیندان، 27 ایلدیر باغلی اولان بیر مرز قاپیسینین دا آچیلاجاغی اعلان ائدیلدی
عراق ایله سعودی عربیستانی آراسیندا، 1990-جی ایلده باغلانیلان عرعر مرز قاپیسی آچیلیر.
ایکی اؤلکهنین اورتاق تیجارت کومیسیونو قورما قراری آلماسینین آردیندان، 27 ایلدیر باغلی اولان بیر مرز قاپیسینین دا آچیلاجاغی اعلان ائدیلدی.
عراقین کئچمیش لیدری صدام حسینین کویت ایشغالینین آردیندان 1990-جی ایلده باغلانیلان آرار مرز قاپیسی، تیجارت اوچون آچیلاجاق. عرعر قاپیسینی، 27 ایلدیر یالنیز حج زیارتی اوچون سعودی عربیستانینا کئچید ائتمک ایستهین عراقلیلار ایستیفاده ائدیردی.
عراقین جنوب-غربیندکی آنبار ویلایتینین اوستانداری صهیب الراوی، قاپینین آچیلیشی اوچون تشکیل ائدیلن مراسیمده
"بو، گلهجک امکداشلیق باخیمیندان بؤیوک بیر آددیم" دئدی.
الراوی، عراق اوردوسونون بؤلگهده امنیت تدبیرلرینی آرتیردیغینی دا سؤیلهدی.
سعودی عربیستانی و بیرلشمیش عرب امرلیکلرینین، ایرانین آرتان بؤلگهسل نفوذونا قارشی عراقلا ایرتیباط لاری اینکیشاف ائتدیرمک ایستدیگی بیلینیر.
مرز قاپیسینین آچیلماسی قرارینین، عراق سیاستینده تأثیرلی اولان شیعه دین آدامی مقتدا صدرین هفتهسونونداکی سعودی عربیستانی سفریندن سونرا گلمهسی دقت چکدی.
صدرین زیارتینین آردیندان سعودی عربیستانینین عراق حکومتینه 10 میلیون دولار هدیه ائدجگی و اؤلکهنین جنوبداکی شیعه بؤلگهلرینه یاتیرم احتیماللارینین آراشدیریلاجاغی ایفاده ائدیلمیشدی.