ایسرائیل اوردوسو، غزه‌ده بعضی نقطه‌لره سالدیردی
ایسرائیل اوچاق‌لاری، حماسین نیظامی قانادی عزالدین القسام بریقادا‌لاری‌نین غزه‌نین غربی ایله رفاه‌ین شمالین‌داکی ایکی سنگرلری ایله غزه‌نین مرکزینده بوش بیر ساحه‌سی ووردو
ایسرائیل اوردوسو، غزه‌ده بعضی نقطه‌لره موشک و توپ آتشیله سالدیری ائتدی.
ایسرائیل اوردو سؤزچوسو اویخای اردعی نین غزه‌دن ایسرائیله موشک آتیلدیغینی ادعا ائتدیگی آچیقلامایی‌نین آردین‌دان ایسرائیل اوچاق‌لاری، حماسین نیظامی قانادی عزالدین القسام بریقادا‌لاری‌نین غزه‌نین غربی ایله رفاه‌ین شمالین‌داکی ایکی سنگرلری ایله غزه‌نین مرکزینده بوش بیر ساحه‌سی ووردو.
اردعی، ایسرائیلین سالدیریسینا باغلی اجتماعی مئدیا حسابین‌دان ائتدیگی آچیقلامادا، هاوا گوجلرینه عایید اوچاق‌لارین غزه‌نین شمال و جنوبوندا حماسا عایید نقطه‌لری ووردوغونو، هاوا سالدیری‌لاری‌نین غزه‌دان شاعر نگئو بؤلگه‌سینه آتیلان موشکه جواب وئرمک مقصدیله رئاللاشدیریلدیغینی ایفاده ائتدی.
سؤزچو اردعی، غزه‌نین حماسین حاکمیتینده اولماسی حسابییلا ایسرائیله ائدیلن هر جور سالدیری تلاشین‌دان مسئول اولدوغونو دا ایفاده ائتدی.
غزه‌دکی ایچ ایشلر ناظیرلیگین‌دن ائدیلن یازیلی آچیقلامادا ایسه، ایسرائیل اوردوسونون سالدیری‌لاریندا یالنیز زیان میدانا گلدیگی ائشیتدیریلدی.
غزه‌دکی فیلیسطین ساغلیق ناظیرلیگی سؤزچوسو اشرف ال-کودرا دا سؤز موضوعسو سالدیری‌لاردا جان ایتکی‌سی یاشانمادیغینی آچیقلادی.
حماس سؤزچوسو فوزی برهوم دا ائتدیگی آچیقلامادا،
"ایسرائیل، مقاومته عایید نقطه‌لری هدف آلماق و گرگین‌لیگی آرتیرماق اوچون سبب اولا‌راق غزه‌دن موشک آتیلدیغینی ادعا ائتدی. بو، ایسرائیلین تهلوکه‌لی و بیلینن بیر اویون." ایفاده‌لرینی ایستیفاده ائتدی.
ایلگیلی‌لی خبرلر
یونانین مودافیعه ناظیری: تورکیه گمی‌قاییرماچیلیق ساحه‌سینده ایرلیده
نیکوس دندیاس یونان حربی دنیز قووه‌لرینین ایقتصادی بؤحران دؤورونده گئری قالدیغینی بیلدیریب
