سوریه بحرانی اوچون دؤرد اؤلکه بیر آرایا گلیر
موسکوا رهبرلیگی، شنبه گونو سوریه بحرانینین حلّی یولوندا، تورکیهنین ده قاتیلاجاغی دؤردلو بیر توپلانتی ائدیلهجگینی ائشیتدیردی
سوریه بحرانی اوچون دؤرد اؤلکه بیر آرایا گلیر.
موسکوا رهبرلیگی، شنبه گونو سوریه بحرانینین حلّی یولوندا، تورکیهنین ده قاتیلاجاغی دؤردلو بیر توپلانتی ائدیلهجگینی ائشیتدیردی.
روسیا خاریجی ایشلر ناظیری سئرگئی لاوروو، تورکیه، روسیا، آمریکا و سعودی عربیستانلی همکاری ایله، شنبه گونو سوئیسین لوزانا شهرینده، سوریه بحرانینی گؤروشمک عذره توپلاناجاقلارینی آچیقلادی.
روسیا خاریجی ایشلر ناظیرلیگیندن ائدیلن یازیلی آچیقلامادا، 15 اکتوبرداکی توپلانتینین، روسیا خاریجی ایشلر ناظیری سئرگئی لاوروو و آمریکا خاریجی ایشلر ناظیری جان کری راضیلاشماسی گریی تشکیل ائدیلهجگی ایفاده ائدیلدی.
توپلانتیدا سوریه بحرانینین حلّی موضوعسوندا آتیلاجاق اولا بیلهجک علاوه آددیملار موذاکیره ائدیلهجک.
دیگر طرفدن سی. ان. ان اینترناسیونالا خصوصی موصاحیبه وئرن لاوروو، بو توپلانتیلا کئچن آی تاخیره آلینان روسیا-آمریکا موقاویلهسینده یئر ائدن پرینسیپلر اساسیندا بیر دیالوقون باشلادیلماسینی اومید ائتدیگینی ایفاده ائتدی.
آمریکا خاریجی ایشلر ناظیرلیگیندن ائدیلن یازیلی آچیقلامادا دا کرییه 15 اوکتوبردا لوزانا، 16 اوکتوبردا ایسه اینگیلترهنین باشکندی لندنه گئدجگی ایفاده ائدیلدی.
ناظیر کرینین ائدهجگی سفرلری بارسینده آیرینتیلی بیلگیلرین پایلاشیلمادیغی آچیقلامادا، "ناظیر لوزانادا اهمیتلی موتتفیکلریمیزین خاریجی ایشلر ناظیرلری و لندنده ایسه بؤلگهسل و اولوسلار آراسی اهمیتلی موتتفیقلرله بیر آرایا گلهرک، شدتین آزالماسی و اینسانی یاردیملارین نقلیاتی داخیل عذره چوخ طرفلی اولاراق سوریه بحرانینین حلّی مسئلهلرینی اله آلاجاق. "ایفادهسینه یئر وئردی.
دیگر طرفدن آغ ائو سؤزچوسو جاش ارنست، گوندهلیک مطبوعات کونفرانسیندا، "آنلادیغیم قدریله بو ایکیلی بیر گؤروشمه دئییل. اصلینده اولوسلار آراسی سوریه دستک قروپونون بعضی عضولرینین قاتیلاجاغی بیر توپلانتی. بو گؤروشمه، بنزری بیر قروپون داها آشاغی سویهدکی عضولرینین بیر و یا ایکی هفته اوّل ائتدیگی توپلانتینین داوامی خصوصیتینده. "آچیقلاماسینی وئردی.
ایلگیلیلی خبرلر
غزهده اوشاقلار جدی یئمک قیتلیغییلا قارشی قارشییادیر
بیرلشمیش میللتلر اوشاقلارا کؤمک صاندیغی یونیسف، "اوشاقلاردا غذا قیتلیغی" باشلیقلی راپورونو یاییملادی