سپتامبرین 19-دان اعتبارا سوریه‌ده اؤلنلرین سایی 444-ا چاتدی
اسد رژیمی و روسیا اوچاقلاری واکووم، چللک و فوسفورلو بومبا‌لاردان ایستیفاده ائدیرلر.
سپتامبرین 19-دان اعتبارا اؤلن سوریه وطنداش‌لاری‌نین سایی 444-ا چاتدی.
دونن اسده تابع اولان بیرلیک‌لر و روسیا قوه‌لری طرفیندن حلبه تشکیل اولونان هوجوم‌لاردا اکثریتی قادین و اوشاق اولماقلا، 85 نفر حیاتینی ایتیردی. 200-دن چوخ یارا‌لی وار.
اسد رژیمی و روسیا اوچاقلاری واکووم، چللک و فوسفورلو بومبا‌لاردان ایستیفاده ائدیرلر.
چوخ سایدا بینا یئرله یکسان اولدو. خسته‌خانا‌لاردا چاره‌سیزلیک حؤکم سورور، یارا‌لی‌لاری یئرلش‌دیره‌جک یئر و طبی لوازمات و پرسنل یوخدور.
شهرده 2 میلیون اینسان سوسوز قالیب.
قارشیدورما‌لار شهرین شیمالین‌داکی هانداراتدا داها شدتلیدیر.
بؤلگه‌دکی قاچقین دوشرگه‌سی و حربی تاسیس لر گاه رژیم قوه‌لری‌نین، گاه دا موخالیف‌لرین الینه کئچیر.
قئید ائدک کی، شنبه گونو تشکیل ائدیلن هاوا هوجوم‌لاریندا حلب‌ده 92 اینسان هلاک اولموش، 273 نفر یارالانمیشدی.
سپتامبرین 19-دان بو گونه‌ده‌ک رژیمین و روسیانین بومباردیمان‌لاری نتیجه‌سینده 444 سیویل حیاتینی ایتیریب، 585 نفر ایسه یارالانیب.
اسد رژیمی، آمریکا و روسیانین الده ائتدیک‌لری راضی‌لیق اساسیندا 12 سپتامبردا باشلایان آتشکه‌سی 19 سپتامبردا بیتیردیگینی اعلان ائدیب و روسیا اوردوسو ایله حلب‌ین مرکزینده موخالیف‌لرین نظارتینده اولان شرق بؤلگه‌لرینی آمان‌سیز بومباردیمانا توتور.
