Törek köçläre Tön’yaq Ğıyraqtağı “PKK” sıyınu urınında Şveśiyada yasalğan anti-tank qoralların taptı
Şveśiya terror oyışmaları belän bäyläneşen özüe öçen Törkiyädän küp tapqır kisätü aluına qaramastan “PKK/YPG” terrorçılarına yärdäm kürsätüen däwam itte.
Törek iminlek köçläre tön’yaq Ğıyraqta ütkärgän operaśiya waqıtında “PKK” tarafınnan qullanılğan ber mäğarädä Şveśiyada yasalğan anti-tank qoralların, başqa törle qorallarnı häm xärbi kiräk yaraqlarnı taptı.
Monnan alda Şveśiyanıñ “STV” däwlät teleradiokompaniyası terror atamanı Salih Möslim belän äñgämä tapşırğan ide.
Möslim äñgämä waqıtında Şveśiyanıñ NATO äğ’zase bula aluı öçen “YPG”ne terror oyışması bularaq hiç tanımayaçağın äytkän ide.
Şveśiya häm Finlyandiya Rusiyäneñ Ukrainadağı höcümnärennän soñ NATO äğ’zase bula aluı öçen uzğan atnada räsmi möräcäğät yasadı.
Törkiyä bu möräcäğätlärgä Skandinaviya illäreneñ üz cirlärendäge terrorçılarnı Törkiyägä qaytarırğa telämäwe häm
terror oyışmalarına kürsätkän yärdäm arqasında qarşı töşkän ide.
“PKK/YPG” Törkiyä, AQŞ, Awrupa Berlege häm NATO tarafınnan terror oyışması bularaq tanıla.
Bu oyışma Törkiyägä qarşı 35 yıl buyı yasağan terror höcümnärendä 40 meñnän kübräk keşeneñ ülemenä säbäp buldı.
