Qabırğa tutırması
Ğosmanlı sarayınıñ aş öyendä xäzerlängän iskitkeç rizıqlar belän tanıştıruıbıznı däwam itäbez. Bu yulı sezne tağın ber tapqır śivilizaśiyä bişege, berlek – berdämlek häm qunaqçıllıq şähäre Mardinğa alıp barabız. Uzğanında biredä Läbäniyä aşı peşergän idek. Bu yulı Mardinnıñ tanılğan rizıqları arasında, möğayen, iñ alda kilüçe qabırğa tutırmasın äzerlärgä öyränäbez. Aşçıbız Yunus Emre Akkorğa ike mardinlı xanım yärdäm itäçäk.
Qabırğa tutırması äzerläw öçen kiräkle azıq-tölek:
-2,5 kilo bärän qabırğası
-500 gramm waq itep turalğan bärän ite
-3 aş qaşığı atlanmay
-yartı stakan ärçelgän kedr çikläwege
-2 teş sarımsaq
-3 stakan döge yarması
-2 bal qalağı pimenta (qanäfer borıçı)
-1 bal qalagı qara borıç
-1 bal qalağı toz
- 1 uç waq itep turalğan petruşka
-1 uç waq itep turalğan ukrop
Bu rizıqnıñ niçek itep äzerlänüen aşçı, mädäniyät belgeçe Yunus Emre Akkor videoda kürsätep añlata. Başta sezne Mardin buyınça qısqa videosäyäxätkä çaqırabız.
