Jurnalistmı, yuğıysä “PKK” äğ’zase terrorçımı?

Düşämbe könne Märsin şähärendä ber poliśiya xezmätkäreneñ ülemenä säbäp bulğan bu keşe yıllar buyı barı tik üz êşen başqaruçı jurnalist bularaq yaqlandı.

Törek räsmiläre höcümdä ülgän terrorçılardan berseneñ Dilşah Ärcan buluın belderde.

Ärcan “PKK” propagandasın yasawçı oyışmalardan berse öçen êşli ide.

2010nçı yılnıñ sentyabr’ ayında qulğa alınğan, 2013nçe yılnıñ fevral’ ayında irekkä cibärelgän ide.

Şuşı waqıt êçendä üzäge Bryussel’dä urnaşqan Xalıqara jurnalistlar federaśiyası Ärcannıñ azat itelüe öçen kampaniya alıp barğan, Ärcannıñ jurnalistika belän şöğıllängäne öçen qulğa alınuın beldergän ide.

2012nçe yılda “Cömhüriyät xalıq” partiyası tarafınnan basılğan xisapta da Ärcannıñ jurnalist bulğanı öçen qulğa alınuı citkerelgän ide.

Türkiyä, AQŞ häm Awrupa Berlege tarafınnan terror oyışması bularaq qabul itelgän “PKK” soñğı 40 yılda meñnärçä keşeneñ ülemenä säbäp buldı.

Bu qorbannar arasında küp sanda xatın-qız häm bala da bar.