"İMÄCÄ" 5 yıllıq wazıyfası waqıtında cir şarınıñ fotosürätlären töşeräçäk
Kaliforniyadağı Vandenberg ğaläm köçläre bazasında ğalämgä oçırtu başqarıldı.
Bu raketanıñ yöke "İmäcä" isemle Türkiyäneñ berençe cirle yuğarı rezolyuśiyäle iyärçene.
Türkiyä İlbaşı Räcäp Tayyip Ärdoğan bu mizgelne tarixi mizgel bularaq bäyäläde.
Räcäp Tayyip Ärdoğan, Türkiyä Däwlät başlığı:
“İnjenerlarıbız ozaq yıllar buyı köne-töne êşlädelär. Proyıktlawdan oçırtuğa qadär şuşı proyıktta êşlägän härkemgä êçkersez räxmätläremne häm täbrikläremne citkeräm. İlebezne global’ texnologiya ligasının iñ yuğarı noqtasına kütärü plannarıbıznıñ cimeşlären ber-ber artlı cıyabız. Ğaläm häm aviaśiya texnologiyalarına kapital salunı waz kiçelmäs prioritet bularaq küräbez.”
“İmäcä cir şarı orbitasında 680 çaqrım biyıklektä xäräkät itäçäk.
TÜBİTAK (Türkiyä fänni häm texnologik tikşerenülär oyışması) iyärçenneñ biş yıllıq wazıyfası waqıtında cir şarınnan sürätlär töşeräçägen belderde.
Hasan Mandal, TÜBİTAK Başlığı:
“Ägär byudjetığız bulsa iyärçenne cibärergä mömkin. Läkin iyärçen komponentların üzegez êşläp çığarmağan oçraqta iyärçen sezneke tügel.
Bez bu iyärçenneñ iñ kritik komponentları bulğan yuğarı rezolyuśiyäle êlektro-optik kamerasın, baş miyı dip yörtelgän oçış sanaq programmasın häm orbita kontrol’ sistemasın êşläp çığardıq. Başqalar belän ber rättän fälakät idaräse, êkologiya, awıl xucalığı häm saqlanu tarmaqlarına xezmät biräçäk.”
Hasan Abdullah, Änkara:
“Bu TÜBİTAK ğaläm tikşerenüläre üzäge Türkiyäneñ xäzergä qadär ğalämgä cibärgän böten iyärçennärne kürsätüçe waqıt sızığın täq’dir itä. Yökläre, oçırtu waqıtları h.b mäğ’lümatlärne kürsätä.
Häm menä ğalämgä cibärelgän iñ soñğı iyärçen. Yanında “Türksat 6A” urnaşqan. Bu Türkiyäneñ aldıbızdağı aylarda ğalämgä cibärüne planlaştırğan monnan soñğı iyärçen bulaçaq.
Läkin maqsatlar monıñ belän tämamlanmıy. Räsmilär biredä ayğa töşüneñ dä kön tärtibendä buluın äytä.
Hasan Abdullah, TRT World, Änkara
