39 ilneñ baş konsulı İstanbuldağı höcümne gäyıpläde

İsak Haleva, Törek yähüdläre baş ravvinı:

“Min süz taba almıym. Keçkenä çaqta ätiyım belän bu uramda şatlanıp yöri idek. Täñregä doğa qılam, tağın mondıy terrornıñ bulmawın telim. Hiçber äni, hiçber bala yätim qalmasın.”

Orhan Canlı, Türkiyä Süryani katolik patriarxı wäkile:

“Şäxsän üzem häm cämäğätebez isemennän bu höcümnän täêsirlängän härkem belän teläktäşlek êçendä buluıbıznı belderäm,

şähit bulğan watandaşlarnıñ ğailäläreneñ qayğısın urtaqlaşam, alarnıñ ruxları öçen doğa qılabız häm yaralanuçılarnıñ tiz arada sälamätlänüen telim.”

Yusuf Çätin, Süryani Kadim cämäğäte patriarxı wäkile:

“Min häm cämäğätebez härtörle terrorçılıqnı gäyıplibez. Doğalarıbız häm teläklärebez ni ilebezneñ ni dä dönyabıznıñ tağın şuşı terror waqıyğaları belän oçraşmawı öçen.”

Mäxmät İzci, Beyoğlu möftıye:

“Qor’än-ı Kärimdä dä Allahı Tägalä: “Ber keşeneñ canın aluçı böten keşelekneñ canın alğandır. Ber keşene yäşätü dä böten keşelekne yäşätü kebek”, - dip boyıra. Min terrorçılıqnı gäyıplim häm läğnätlim. Böten xalqıbıznı berdäm bulırğa çaqıram.”