Amerika Quşma Ştatlarında rizasızlıq çaraları dävam itä
Amerika Quşma Ştatlarında qaratänle watandaş Djordj Floydnıñ uzğan atnada Minnesota ştatında poliśiya qırıslığı näticäsendä häläq’ buluı belän başlanğan reakśiyälärneñ artuı arqasında başqala Waşingtonda häm N’yu-Yorkta kommendant säğäte iğ’lan itelde.
Bäysez autopsiya xisabında “sulış ala almağanı” öçen ülüe töğäyenläşkän Floydnıñ cirlänüe isä atnakiçen ütkäreläçäk.
Floydnıñ poliśiya qırıslığı näticäsendä häläq’ buluınnan soñ başlanğan uram cıyınnarında Çikagoda 2 keşeneñ ğomere özelgän, 60 keşe qulğa alınğan.
Waşingtonda da yözlärçä protestçı qulğa alındı.
Köçle protest çaraları barğan St. Louista isä poliśiyağa ut açıluı häm 4 poliśiya xezmätkäreneñ yaralanuı xäbär itelde.
Şul uq waqıtta “TRT World” törkeme dä Amerikadağı waqiğalarnı (waqıyğalarnı) citkergän çaqta höcümgä duçar buldı.
Waşingtonnan häm Minneapolistan reportaj alıp baruçı TRT World törkeme poliśiyanıñ protestçılarnı taratu öçen qullanğan plastik pulya häm gaz raketası belän yaralandı.
Amerikan NBC televideniyäsenä äñgämä birüçe 4 AQŞ räsmiye İlbaşı Trampnıñ 1807nçe yılda qabul itelgän fetnälär häm êçke butalçılıqlar waqıtında İlbaşına amerikan cirlärendä xärbi köç qullanu wäqaläten birüçe "Fetntä qanunı”n protestlarğa qarşı qullana alaçağın alğa sörde.
Amerikan armiyasınıñ xärbi poliiya köçen Waşingtonğa cibärüe dä xäbär itelä.
Qırıslıq çaralarına äylängän protestlar belän bäyle bularaq açıqlawlar yasawçı Tramp isä ildäge waqiğalarğa çara kürü öçen awır qorallı meñnärçä xärbi personalnı häm iminlek köçen wazıyfalandıruın belderde.
