Ärdoğan - Kobakxidze söyläşüe uzdı

Törkiyä ilbaşı Räcäp Tayyip Ärdoğan räsmi säfär belän Änkarağa kilgän Gruziya prem’yer-ministrı Irakli Kobakxidze belän küreşep söyläşkännän soñ oyıştırılğan matbuğat oçraşuında çığış yasadı.

“Dus Gruziya xalqın 10 könnän soñ qotlanaçaq bäysezlek köne belän xäzerdän ük qotlıym,” – digän Ärdoğan qunaq prem’yer-ministr belän ike dus kürşe häm strategik partnyer bularaq möhim söyläşülär ütkärüen belderde.

Törkiyä ilbaşı uzğan yılnı 3 milliard dollarğa citkän ike yaqlı säwdä külämendä yaña çorda 5 milliard dollar maqsat itülären belderde.

Ärdoğan şulay uq Gruziya prem’yerı belän terror oyışmaları häm oyışqan cinayät’ çeltärlärenä qarşı köräşne tağın da aktiv qılaçaq adımnar turında söyläşülären citkerde.

Qunaq prem’yer-ministr isä Ärdoğan belän küreşep söyläşüenä şatlanuın açıqlap: “Xörmätle Törkiyä ilbaşınıñ Gruziyaneñ milli mänfäğat’lären yaqlawınnan qanäğat’ bez, räxmätebezne belderäbez,” – dide.

Söyläşülärdän soñ ike il arasında “Ênergetika ölkäsendä xezmättäşlek kileşüe” imzalandı.