23 nçe aprel' yullamaları
Räsmi zatlar bäyräm nisbätennän belderülär yasadılar
Törkiyä Böyek Millät Mäclese başlığı Numan Kurtulmuş 23 nçe aprel’-Milli möstäqıyl’lek häm balalar bäyräme belän Törkiyä Böyek Millät Mäclese açılunıñ 104 yıllığı uñayınnan yullama yasadı.
Ul bäyräm belän qotlap Törkiyä Cömhüriyätenä nigez saluçı häm Törkiyä Böyek Millät Mäcleseneñ berençe räise Mostafa Kämal Atatörekne häm anıñ köräştäşlären xörmät xisläre belän iskä aldı.
“Parlamentıbız Törkiyä ğasırı maqsatları nigezendä kiläçägebezne garantiya astına alunı däwam itäçäk”,- dide Numan Kurtulmuş.
Parlament räise böten dön’yada balalarnıñ yözlärendä yılmayu çatqılarınıñ berqayçan da sünmäwen teläde.
Törkiyä ilbaşı urınbasarı Cäwdät Yılmaz üz yullamasında ”İlbaşı Räcäp Tayyip Ärdoğan täq’dim itkän Törkiyä ğasırı vizionı belän köçle, yaqtı kiläçäkkä baruıbıznı däwam itäçäkbez” dip belderde
İlbaşı idaräseneñ êlemtä bülege başlığı Fäxrettin Altun üz yullamasında ”23 nçe aprel’ - batırlarça qarşılıq kürsätü simvolı. Ata-babalarıbız ışanıp tapşırğan bu ğaziz Watanıbıznı ul tiñsez köräş ruxı belän tağın da köçle kiläçäkkä alıp baruda qararıbız nıq” dip citkerde.
