Ärdoğan Rumıniyä däwlät başlığı belän söyläşte

Törkiyä ilbaşı Räcäp Tayyip Ärdoğan kiçä Rumıniyä däwlät başlığı Klaus Yoxannis belän telefonnan söyläşte. Anda ikeyaqlı mönäsäbätlär, global’ häm regional’ temalar qaraldı.

İlbaşı Ärdoğan söyläşüdä ike ilneñ dialogın arttıruı kiräklegen, monıñ öçen Yuğarı däräcäle strategik xezmättäşlek şurası mexanizmı qorunıñ faydalı bulaçağın assızıqladı.

Söyläşüdä Yoxannisnıñ NATO ğomum särqatibe wazıyfasına kandidatlığı da kön üzägendä ide. İlbaşı Ärdoğan terrorçılıq häm başqa yanawlar qarşında NATO illäreneñ iminlek häm mänfäğat’lärenä xezmät itäçäk, ittifaqnıñ berdämlegen köçäytäçäk, yärdämläşü ruxın saqlap bayıtaçaq, NATOnıñ saqlanu häm iminlek belän bäyle söyläşülärdäge töp rolenä östenlek biräçäk ğomum särqatibneñ saylanuı kiräklegen citkerde.