17 törek komandası robot texnikası yarışında

AQŞnıñ Texas ştatında uzuçı “2024 FIRST Robotics Competition” dip ataluçı dön’ya robototexnika çempionatında Törkiyädän liśey uquçılarınnan toruçı 17 komanda qatnaşa. Çara 17nçe aprel’dän 21enä qadär bara. Ul dön’yadağı iñ märtäbäle robot texnikası yarışlarınnan berse.

Çempionatta dön’yanın distälärçä däwlätennän yaqınça 600 komanda üzläre yasağan robotlar belän ostalıqların kürsätä. Bu 22 meñ uquçı digän süz. Şularnıñ 400e Törkiyädän. İl san yağınnan çempionatnı ütkärüçe AQŞ häm Kanadadan ğına qalışa.  

Başqa yıllarda Törkiyä 4-5 komanda belän genä qatnaşa ide. Bıyıl isä Änkara häm İstanbul ğına tügel, Märsin häm İzmir şikelle provinśiyälärdän dä yuğarı sıynıf uquçıları çempionatta üz ostalıqların kürsätä.