Ministr Fidan Bryussel’gä kitte
Törkiyä terrorçılıq belän köräşne NATO sammitında quzqataçaq
NATO tışqı êşlär ministrları 2024nçe yılnıñ berençe cıyılışı öçen 3-4 aprel’dä Bel’giyä başqalası Bryussel’dä cıyılaçaq.
Cıyılışta Törkiyäne wäkillek itäçäk Törkiyä Tışqı êşlär ministrı Xaqan Fidan Bryussel’gä kitte.
Cıyılışnıñ kön tärtibendä ğomum tıyıp toruçanlıq mäs’äläläre, terrorçılıqqa qarşı köräş häm Ukrainadağı täräqqıyätlär urın alaçaq.
Şveśiyä häm Finlyandiyanıñ äğ’za buluınnan soñ İttifaqnıñ soñğı wazğıyäte häm Waşington sammitına äzerlek mäs’äläläre quzğatılaçaq.
Ministr Fidan cıyılışta NATOnıñ terrorçılıqqa qarşı urtaq köräş alıp baruınıñ zarurlığın, monıñ NATOnıñ wazıyfalarınnan berse buluın belderäçäk, NATOnıñ qayber äğ’zaläreneñ “PKK/YPG” separatist terror oyışması belän urtaqlıq urnaştıruınıñ qabul itelmäslek buluına tağın ber qat basım yasayaçaq.
Xaqan Fidan berlektäşlärneñ ber-berlärenä qarata saqlanu sänäğäte ölkäsendä sankśiyä häm çikläw kertüeneñ ittifaq ruxına tiskäre buluın da iskärtep uzaçaq, Awrupanıñ saqlanu häm qurqınıçsızlığınıñ êffektiv räweştä täêmin itelüenä qağılışlı bularaq Törkiyäneñ qaraşların citkeräçäk.
Cıyılış qısalarında ministr Fidannıñ Angliyä, Germaniyä, Bolgariyä häm Finlyandiyäle wazıyfadaşları belän ike yaqlı söyläşülär ütkärüe dä planlaştırıla.
Bäyläneşle xäbärlär
Törek rizıqları qabat isemlektä aldınğı
Dön’yadağı iñ yaxşı yoğırtlı rizıqlarnıñ isemlegendä berençe urın töreknekendä