Törkiyä Diyänät waqıfı Keniyädä su qoyısı açtı häm iftar aşı uzdırdı
Waqıfnıñ Ramazan ayı çaraları däwam itä
2115288
Törkiyä Diyänät waqıfı Keniyädä su qoyısı açtı häm 100 keşegä iftar mäclese uzdırdı.
Waqıf wäkillege Bungomadağı Möselman komitetı mäçete baqçasında su qoyısın açtı, iftar aşı oyıştırdı, Ramaza ayı uñayınnan azıq-tölek paketları häm Qor’än Kärim tarattı.
Açılıştan soñ waqıf wäkillege Busiyädäge “Äl-İxsan” yätimnär yortında buldı. Alar biredäge balalar belän oçraşıp aralaştı.
Törkiyä Diyänät waqıfı tarafınnan mäçettä 100 keşe öçen birelgän iftar aldınnan qunaqlarğa möräcäğat’ itkän Nayrobi dini xezmätlär kiñäşçese Mäxmät Fatix İldäş su qoyısı açudan häm töbäk xalqı belän iftar ütkärüdän qanäğat’ buluların belderde.
İldäş xäyriyäçelärneñ ämanätlären Keniyädäge moxtac keşelärgä citkerülärenä şat buluın da äytte.
