Törkiyä belän Kuba arasında salım tülämäwçelärgä qarşı kileşü
Törkiyä kazna häm finans ministrlığı Kuba belän salımnan qaçuğa qarşı kileşügä qul quyıluın belderde
Ministrlıqnıñ sośial’ media akkauntınnan kileşü turında mäğ’lümat urtaqlaşıldı. Monıñ nigezendä Törkiyä belän Kuba arasında "Keremnärgä ikelätä salım alunı buldırmaw häm salımnan qaçunı totqarlaw kileşüe” imzalandı. Yazmada bolay diyelä:
"Törkiyä Cömhüriyäte xökümäte belän Kuba Cömhüriyäte xökümäte arasında berençe tur söyläşüläre 2002nçe yılnıñ 4nçe-8nçe fevral’ könnärendä, ikençe tur söyläşüläre 2023nçe yılnıñ 6nçı-9nçı iyün’ könnärendä ütkärelgän "Keremnärgä ikelätä salım alunı buldırmaw häm salımnan qaçunı totqarlaw kileşüe” 2024nçe yılnıñ 13nçe mart könne imzalandı.
Törkiyä isemennän Kazna häm finans ministrıbız Mäxmät Şimşäk, Kuba isemennän Baş ministr urınbasarı Rikardo Kabrisas Ruiz qul quyğan kileşü “ike ilneñ iq’tisadi mönäsäbätlärenä möhim öleş kertäçäk".
