"Ğazzädä Fälästin xalqına qarşı qılınğan barlıq cinayät’lär öçen İzrail xökümäte cawaplı"

Törkiyä tışqı êşlär ministrlığı süzçese Öncü Käçäli İzrail xökümäteneñ qayber äğ’zalarınıñ süzlärenä reakśiya belderde.

Ul üzeneñ “X” sośial’ media platformasındağı belderüendä İzrailneñ Xalıqara mäxkämädä genośid başqaru ğayebe belän xökemgä tartılğan il buluın häm Ğazzädäge Fälästin xalqına qarşı qılınğan barlıq cinayät’lär öçen cawaplı buluın iskärtte.

Käçäli İzrail xökümäte äğ’zalarınıñ kön tärtiben üzgärtü tırışlığınıñ bu faktlarnı yäşerä almawın äytte.

“Keşelek vöcdanı häm xalıqara xoquq, älbättä, İzrail türäläreneñ cawaplılıqqa tartıluın täêmin itäçäk“,- dide Törkiyä tışqı êşlär ministrlığı süzçese Öncü Käçäli.

İskärtep uzabız: İzrail prem’yer-ministrı häm tışqı êşlär ministrı Törkiyä ilbaşına yala yaqqannar ide.