Ärdoğan sammitqa yullama cibärde
Albaniyada “Ukraina - Kön’yaq-könçığış Awrupa sammitı” uza
Törkiyä ilbaşı Räcäp Tayyip Ärdoğan 2 yıldan artıq baruçı Rusiyä-Ukraina suğışına qağılışlı: “Tınıçlıq urnaştıru öçen monnan alda İstanbulda qorılğan söyläşülär östälen bez qabat yañartırğa äzer”,-dide. Ul “Ukraina - Kön’yaq-könçığış Awrupa sammitı”na videoyullama cibärde.
Anda ilbaşı Törkiyäneñ Ukraina bäysezlegenä, suverenlığına, iminlegenä häm cir bötenlegenä teläktäşlegen xäterlätä häm Qırım tatarlarınıñ xoquq häm mänfäğat’lären saqlaw öçen härtörle tırışlıq quyuların assızıqlıy. Ärdoğan suğışnıñ ğadel häm daimi tınıçlıq belän tögällänüe öçen diplomatiya häm dialogqa mömkinlek birergä kiräklege yaqlı buluın äytä.
Törkiyä ilbaşı “Ukraina - Kön’yaq-könçığış Awrupa sammitı”n uzdırunı qabul itüe öçen Albaniya xökümäte räise Êdi Ramanı häm çaranı oyıştıruğa öleş kerttkän härkemne çın küñeldän täbrik itte.
