Ärdoğan belän Rama matbuğat oçraşuı uzdırdı

Törkiyä ilbaşı Räcäp Tayyip Ärdoğan räsmi säfär belän kiçä Änkarağa kilgän Albaniya xökümäte räise Êdi Rama “Törkiyä-Albaniya yuğarı däräcäle xezmättäşlek şurasınıñ berençe cıyılışı” häm ike il arasındağı kileşülärne imzalaw tantanasınnan soñ berdäm matbuğat oçraşuı ütkärde.

Ärdoğan xökümät räise Rama belän regionda häm dön’yadağı waqıyğalar turında fiker alışuların belderde.  

“Törkiyä häm Albaniya Balkannarda tınıçlıq häm totrıqlılıqnı saqlawğa öleş kertüçe ike NATO berlektäşe. Albaniya belän Balkannarğa bäyle söyläşülärebezne arttırıp däwam itäçäkbez,”-dide Törkiyä ilbaşı. Ul Albaniya belän saqlanu sänäğate häm xärbi tarmaqta yaqın xezmättäşlekne arttırırğa teläwlären äytep, imzalanğan xärbi qısalardağı kileşüneñ monıñ kürsätkeçe buluın söyläde.  

Xökümät räise Rama isä Ğazzä sızığındağı İzrail höcümnärenä qağılışlı fikerlären citkerde. “Utnı tuqtatırğa waqıt. Totıqlar irekkä cibärelergä tiyeş. Törkiyä bu nisbättän kire qaqqısız qatnaşuçı. İrtägese könneñ iminlegen täêmin itü öçen, bigräk tä Ğazzä häm İzrail mäs’äläsendä anıñ öleşe ähämiyätle”,-dide ul.