Numan Kurtulmuş Azärbaycanğa baraçaq
Törkiyä parlamentı başlığı 21-23 fevral’ könnärendä Azärbaycanğa räsmi säfär yasayaçaq
Törkiyä Böyek Millät Mäclese başlığı Numan Kurtulmuş Aziya parlamentariylar assambleyasınıñ 14nçe Ğomum şurasında qatnaşır öçen 21-23 fevral’ könnärendä Azärbaycanğa räsmi säfär yasayaçaq.
Numan Kurtulmuş “Aziyada daimi üseş öçen regional’ xezmättäşlekneñ täşwik itelüe” teması belän Azärbaycan parlamentı citäkçelegendä başqala Baqıda oyıştırılaçaq Aziya parlamentariylar assambleyasınıñ 14nçe Ğomum şurasında qatnaşaçaq.
Törkiyä parlamentı başlığı biredä çığış yasayaçaq häm Törkiyä 2017dän birle cirenä citkergän çirattağı räislekne Azärbaycanğa tapşıraçaq.
Numan Kurtulmuş Azärbaycan parlamentı başlığı Sahibä Gafarova häm qatnaşuçı illärdän wazıyfadaşları belän ike yaqlı söyläşülär ütkäräçäk.
Kurtulmuşnıñ Azärbaycan däwlät başlığı İlham Äliyev belän dä küreşep söyläşüe planlaştırıla.
Numan Kurtulmuşnıñ Azärbaycanğa säfärendä ike yaqlı mönäsäbätlär belän ber rättän İzrailneñ Ğazzä häm Fälästin cirlärenä qarağan höcümnäre, global’ häm regional’ könüzäk mäs’älälärneñ quzğatıluı kötelä.
